"Word Poetry Challenge #12 : Kalayaan"
Ngayon araw na ito ay napagdesisyunan kong sumali sa isang patimpalak na ginawa ni @jassennessaj.
Ito ay ang paglikha ng isang tula na may temang "Kalayaan".
Sa totoo lang ay ngayon lamang ako lilikha ng isang tula na isusumite sa isang patimpalak. Maikli lamang ito, ngunit sana ay magustuhan ninyo.
KALAYAAN
Image Source
Malaya ako
Malaya akong ibigin ka
Malaya akong pagmasdan ang mga ngiti sa'yong labi
Malaya akong tanawin ang mga mata mong nakangiti
Ngunit malaya ka din
Malayang halikan ang lalaking iyong mahal
Malayang titigan ang mga mata nyang sayo lang nakatanaw
Malayang yakapin ang mga bisig nyang sayo'y nakagabay
Malayang saktan ang puso kong nagmamahal
Malaya ka na
Kalayaan mo ang ibigin sya