Word Poetry Challenge #21: Kalawakan

"Kalawakan"

Isang malawak na salita
Kasing lawak ng dagat at lupa
Tanaw man ang dulo nito'y nagkalapat na
Ang lawak na hawak nila'y nakakalula

---

Sadya nga naman tayo'y pinagpala
Pinagkalooban nang mundo'ng salat sa alaga
Kaya salamat sa Poong may likha
Sa ganda ng Kalawakan niyang handa

---

Kahit saan man'g angulo titingnan
Mapa lupa man o karagatan
Mapa bundok man o kapatagan
Sadyang kay ganda ng buong sandaigdigan

---

Hindi lang sa araw ganda'y masisilayan
Ito'y may angkin'g ganda rin sa kadiliman
Mapabuntong hininga kaman pag ito'y nasaksihan
Ang ganda sa alapaap pag ito'y mapagmasdan

---

Di maikubli ang natatangi'ng hiyas
Buwan at bituin sa gabi'y para bang naglalayas
Liwanag na dala tagos at lumalagpas
Bawat ningning animo'y isang perlas

---

Oh! Kalawakan kay gandang pagyamanin
Bigay ng maykapal dapat tangkilikin
Hindi man ito habang buhay mapasa atin
Pero salamat Poon at minsan aming nakapiling

---