Word Poetry Challenge #18 : Tamang Panahon

Minsan sa buhay ako'y nangangarap
Mga mumunting bagay na ninais at pinangarap
Na darating sana sa hinaharap
At matatamasa ang munting pangarap

Hindi kailan man bumitiw sa panalangin
Pikit mata'ng hinihiling, sana'y makakamtan din
Na sa tamang panahon ay darating din
Ang hiling na sa puso ay s'yang nakadiin

Nang ang tamang panahon ay dumating na
Makapunta sa lugar na minimithi din ng iba
Isang lugar na lahat ay puno ng galak at saya
Ang lugar na kahit sino ka pa, basta't pera mo'y kasya

Hindi ko kailan man binitiwan
Sa puso't isip ay ang siyang nilalaman
Kaya ngayon'g akin ng hinahawakan
Puso't isip ko din di sadyang naghihiyawan

Di ko man inaakala
Ngayon ko pala ito matatamasa
Ngiti sa labi koy di parin makapaniwala
Na sa bukas ito'y kasama sa aking ala-ala