Word Poetry Challenge #14: Realisasyon
Parang nagagayuma at tinatamaan
Iwinawaglit ang tunay na katayuan
'Di alintana kung anong naghihintay sa kinabukasan
Kakaiba kasi ang alindog mong dala
Biglang naglaho ang sakit na nadarama
Dulot sa isang pangyayari nito lang makalawa
Nang makilala ka ay biglang naiintindihan
'Di lubos maisip ang s'yang nararamdaman
Biglang napapawi ang sakit nitong kalooban
Hindi naisip na panandalian lang pala ito
Ninanais lang na makasama ka hanggang sa dulo
Pagsubok ay haharapin, lalagpasan kasama mo
Sa mga hamon sa buhay ika'y nagpatalo
Mga pangarap natin ay waring naglalaho
Gusto mong ipagpatuloy ang buhay na wala sa piling ko
Realisasyon na kailangan laging tatandaan
Pagmamahal ay hindi sapat upang mapanindigan
Pagtututol ng pamilya ay kay hirap labanan
Bigla na lang isip mo'y 'di mawari
Masaya tayo kahapon, lungkot naman ang kapalit sa ngayon
Dahil sa ipinaalam mong naging desisyon
Masasayang araw natin, ngayon ay naging masalimoot
Iniwan ang pusong luhaan at puno ng poot
Ang tuwa ay naging hitik ng paghihinagpis na ikaw ang siyang nagdudulot
Alang-alang sa pagmamahal ko sa'yo na tunay
Hangad ko ang iyong pagtatagumpay
Sana maabot mga mithiin mo sa buhay
Sa mga yakap mo't halik ako'y nasasabik
Nais ipadamang muli pagmamahal na wagas
At magsasama tayo hanggang sa wakas
Always remember that there are times when things are falling apart, they may actually be falling into place. So let's see what lies ahead. 🙏💕
Salamat po sa patuloy n'yong pagsusuporta nitong aking akda. Sana'y inyong nagustuhan .
Hanggang sa muli... 
Napakaganda at punong-puno ng buhay. Ramdam ko ang mensahe ng tula @chameh. Ako'y masaya dahil ito'y naisumite sa paligsahang #wordchallenge na nasa ika-apat na buwan nang nagpapatuloy na nanghihikayat sa mga Pinoy Steemians na maglahatla ng mga tula sa Steem Blockchain.
Isa itong karangalan @chameh na maging parte ito ng paligsahan.
Maraming salamat Ginoong @jassennessaj. Ako'y natutuwa at iyong nagustuhan ang aking akda.. Ingat ka lagi at God bless po sa inyo...