"Word Poetry Challenge #8 : Tagpuan"

annazsarinacruz (52)in #wordchallenge • 7 years ago

other-romantic-place-fysbwi-secnery-park-nature-trees-beanch-pictures-for-desktop.jpg

Pinagkunan ng Larawan

Maya't maya ang tingin sa orasan malapit nang maduling,
Atensyong hindi malaman kung saan ko ba ibabaling,
Mapawi ang inip na sa puso'y nanggagaling,
Nananabik na makita ka, Saan ka ba galing?

Ilang oras sa ating tagpuan ako'y naghintay,
Biglang may tumawag muntik na 'kong mamatay,
Ikaw daw ay natagpuan sa kalsada'y nakahandusay,
Naaksidente sa motor, nag aagaw buhay.

Agad akong tumungo sa ospital kung saan ka dinala,
Habang ang luha patuloy ang pagdaloy sa aking mata,
Nakita kita nakaratay, kalagayan mo'y malala,
Napatulala ako at hindi nakapagsalita.

Lumabas ang doktor, sakin ay lumapit,
Kinabahan ako at mata'y ipinikit,
"Ginawa namin ang lahat", ang tangi nyang nasambit,
Mundo ko ay gumuho, puso'y napuno ng pait.

Sa dati nating tagpuan ako ay bumalik,
Kung saan natikman aking unang halik,
Sa bawat araw sa iyo ay nasasabik,
Sigla ko'y hindi na muling manunumbalik.

Sa iyong libing ako'y humiling,
Kahit di tanggap di ka na makapiling,
Gabayan mo ako at tulungang gumaling,
Hilumin ang pusong sayo'y nahumaling.

Ito ang aking ikatlong subok sa paggawa ng tula para sa "Word Poetry Challenge #8". Tema : "Tagpuan" | Tagalog Edition na inorganisa ni Ginoong @jassennessaj.