Mag-ingay Kabayan!

Ikinagagalak kong ipahayag sa inyo na ang paligsahang ito ay nagnanayong ipakita ang husay nating mga Pilipino pagdating sa paggawa ng mga "TULA at KANTA" gamit ang ating sariling wika.

Sa paligsahang ito, "Wikang Tagalog" ang linggwaheng ating gagamitin. Ito ay para makalahok ang lahat ng Pilipino (ito rin ay ang ating Pambansang Wika). Uniformity at pagkakaunawaan ng lahat din ang ating ninanais.

Lubos akong nagpapasalamat sa suporta at pagmamahal na binibigay ni @donkeypong para mas mapaunlad ang komunidad nating mga Pilipino dito sa Steemit. Maraming salamat Tom!

Gantimpala

Winner : 50 Steem Dollars (SBD)!!!

1st runner-up : 50% Liquid SBD sa post na ito.

2nd runner-up : 30% Liquid SBD sa post na ito.

3rd runner-up : 20% Liquid SBD sa post na ito.

---

Anong Klaseng Paligsahan?

Ang paligsahang ito ay :

"GUMAWA NG SARILING TULA o KANTA"

Pumili ka kung TULA o KANTA ang pipiliin mong entry. Orihinal mong katha ang dapat mong ilathala. Kung hindi, patawad pero Automatic Disqualification ang magiging hatol sa iyo, kaibigan.

Pagpapaliwanag sa Paligsahan

• Gumawa ng isang tula o kanta. Kahit anong genre (Pag-ibig, Pagkakaibigan, Pamilya, Pagmamahal sa bayan, atbp). Ang importante, ito ay sarili mong gawa at ang wikang gagamitin ay Tagalog/Filipino. Kahit malawak ang genre ng paligsahan, laging tandaan na "Ang mas makabuluhang gawa ay nakapagbibigay ng mas mataas na transang manalo".
• Ang TITLE ng iyong entry ay dapat magsimula ng Philippine Poetry and Song Contest #1, "Pamagat ng iyong Tula/Kanta".
  Halimbawa :

Philippine Poetry and Song Contest #1, "Binibining Bumuhay Sa Tahimik Kong Mundo"

• Pwede ninyong mapaganda ang iyong isinumiteng gawa, dahil isa rin ito sa mga pagbabasehan ng mga hurado.

Maliban sa nilalaman ng tula o kanta, maaari kayong magrecord ng video ninyo habang kinakanta o binabalangkas ang iyong isinumiteng gawa. Maaari din kayong maglagay ng drawings, paintings, o kaya doodle art para mas makapagbigay kulay sa iyong gawa. Parte kasi ang Creativity sa basehan ng paghusga. Lahat ng iyan ay suhestiyon lamang at nasa iyo parin ang desisyon kung paano mo gagawin ang iyong gawa.

---

Mga Kailangang gawin

• I-upvote at I-resteem ang post na ito.
• Ang pinakaunang tag (primary tag) na gagamitin mo ay #wikang-filipino na tag. Nasa iyong desisyon na ang natitirang apat na tag.
• I-comment ang link ng iyong gawa sa post na ito. Nang sa gayon ay mailathala at makompirma namin ang iyong partisipasyon sa paligsahang ito.
• Uulitin ko : Ang titulo ng iyong entry ay dapat magsimula ng Philippine Poetry and Song Contest #1, "Pamagat ng iyong Tula/Kanta".
• Dapat maisumite ang iyong gawa na hindi lalagpas ng pitong araw (Isang linggo) o bago lumabas ang Payout ng post na ito.

---

Paano Huhusgahan ang Mananalo

• Ang Criteria of Judging ng paligsahang ito ay ang sumusuno :

70% : Kalidad ng Entry (Content Quality) :

- Ito'y tungkol sa nilalaman ng iyong TULA o KANTA.

30% : Ang Pagkulay sa iyong Gawa (Creativity of the Content) :

- Ito'y tungkol sa kung paano mo binigyan ng kulay ang iyong gawa gaya ng pagrecord ng video, paggamit ng props, drawings, paintings, doodles, o kahit anong ginawa mong pagkulay sa entry mo.

---

Ang mga Hurado at ang Computation

May POOL OF JUDGES ang aking inimbita sa paligsahang ito ng sa ganun ay maging TRANSPARENT at patas ang pagpili ng mapala na mananalo.
Maraming salamat sa pagtanggap sa imbitasyon sa mga indibidwal na ito :

@cloh76, @dremiely, @immarojas, @devereei, @erangvee, @juvyjabian at ako @jassennessaj.

Bawat isang hurado ay magbibigay ng score sa bawat entry :

Content Quality - Magbibigay ng score ang isang hurado Mula Isa hanggang Sampu. Isa ang pinakamababa.

Creativity of the Content - Magbibigay ng score ang isang hurado Mula Isa hanggang Sampu. Isa ang pinakamababa.

Rating ng Hurado = (0.70)x(Content Quality Score) + (0.30)x(Creativity of the Content Score)

Ex : Walo ng score ng hurado sa Content Quality at pito para sa Creativity of the Content

(0.70)x(8) + (0.30)x(7) = 5.6 + 2.1 = 7.7

Ang overall score ay ang kabuuan ng mga score ng mga hurado.

---

Aking i-aanunsiyo ang mga mapalad na mananalo isang linggo pagkatapos itong mailathala (Payout period)

Sumali sa discord channel para sa paligsahang ito kasabay ang pagsali sa STEEMIT PHILIPPINES discord channel.

https://discord.gg/phN8Frw

Lubos naming ikinagagalak ang iyong pagsali. Salamat, KABAYAN!

Lubos na nagmamahal,

@jassennessaj