"Mahirap Pala"

Ngayong ako ay nasa ibang bansa na,

Napagtanto kong mahirap pala,
Mahirap pala ang mabuhay ng mag-isa,
Ngahahanapbuhay na malayo sa pamilya.

Noong ako ay magkasakit,
Hindi ko alam kung saan ako kakapit,
Mabuti nalang at mayroong mga taong kay-bait,
Handang tumulong sa mga pinagdadaanan na sakit at pait.

Sa unang mga araw na ako ay nandito,
Hindi ko makakaya, ‘yan ang inaakala ko.
Ngunit habang tumatagal ang aking pagpapanatili,
Unti-unti akong nasasanay sa pagsasarili.

Mga mahal ko sa buhay ay malayo man,
Sa aking puso, silang lahat ay naninirahan.
Hindi ko man lubusang mapahayag ang pagkamiss ko sa tulang ito,
Nawa’y malaman nyo na palagi kayong nasa puso’t isipan ko.