TULANG-FILIPINO : "NUON AT NGAYON, IKAW AT AKO" - My Filipino Poetry Composition
Akala ko noon iyong itatapon
Mga alaala ng ating kahapon
Masasayang sandali natin noon
Nagugunita parin hanggang ngayon
Dinggin mo sana yaring tinig
Na sa iyo'y nananabik
'Pagkat hanap ka nitong puso
Na sa iyo lamang sumuko
Alam kong nadama mo rin
Yaring pagmamahalan natin
Hiling ko lang sayo aking irog
Wag ka sanang magbago
'Pagkat panghahawakan ko
Binitiwan mong pangako
Pangako sayo mahal ko
Sa iyo lang ang puso ko
Di kailan man maglalaho
Tanging sayo lang nakapako
Pagsasaluhan nating dalawa
Ang nuon at ngayon na magkasama
Bubuo ng bagong alaala
haharapin lahat bilang mag-asawa
