Tula # 3: Para sa Inang Kalikasan

Inang kalikasan,
Ikaw ay tunay na yaman
Lahat ng aming pangangailangan
Sa'yo ay aming matatagpuan.

Sariwang hangin iyong ibinigay
Upang guminhawa ang aming buhay
Lahat ng bagay ay iyong ibinigay
Upang kami ay mamuhay ng matiwasay.

Amin kang aalagaan at iingatan
Mahal naming Inang kalikasan
Hindi ka namin pababayaan
Pagka't ikaw ang aming kinabukasan.