Pajoh Bu Lam Awan
Padup uroe ulikot, ulon meuteume undangan meusapat ngon waki mandum ketuha AJI kota ban saboh Indonesia. Acara yang lon ikot nyan keuh rapat keurija nasional Aliansi Jurnalis Independen (AJI) thon 2018. Selaen ketuha atawa waki AJI kota, na troh cit mamandum penguroh AJI Nasional. Acara nyan dipeuget bak saboh wisma nyang agak jioh dari pusat ibukota pamarentah Indonesia, ngon wate hanya dua uroe.
Ngon undangannyo lah lon meuteme rasa lom kiban pajoh bu lam awan. Makna pajoh bu lam awan nyan adalah, pajoh bu dalam pesawat saat jak bak acara atawa wate wo u daerah. Sebenar jih nyo kon yang ke phon lom pajoh bu lam awan, tapi memang katrep hana. Sabab selama nyo ka jareung meuteme pajoh bu lam pesawat. Sebab hana mandum pesawat dibie bu atau makanan wate lam perjalanan.
Mungken ureueng laen leubeh sereng pajoh bu lam awan dibandeng ngon ulon tuan. Tapi jak kalinyo memang na kesan laen, sebab watenyan lon betoi teungoh deuk. Nyo karena segohlom eik pesawat, lon hana meuteme pajoh makanan sapeu. Mengingat penerbangan yang akan lon eik dari Lhokseumawe telat rap 2 jeum leubeh.
Jadi pajoh bu lam awan kalinyo betoi betoi meurasa that. Padahai bu yang dibhie kon selera yang biasa lon pajoh. Bah pih meunan, bu yang dibhie le pramugari nyan terasa sangat mangat. Nyan karena lon saatnya betoi teungoh deuk. Raseuki jih, lon hana payah mita makanan laen ban troh u Bandara Soekarno Hatta.
Memang pajoh bu lam pesawat, kureung meurasa, peu lom saat tapajoh bu, kondisi cuaca kureung get. Teunte hana nyaman, karena megok gok wate tapajoh bu. Bah pih meunan, pajoh bu lam awan memang na sensasi laen. Mandum tanyo pasti punya carita maseng-maseng wate tanikmati pajoh bu lam awan. [agust]
Teurimong Geunaseh ka nesaweu blog u lon tuan @agustiarismail
My post is using the mother language, the language of Aceh. Sorry for all stemian friends, if anyone does not understand the meaning.
Mantap that,nyan bek tuwo sambungan terkait kegiatan nyan @agustiarismail
Krak barang...pajoh Bu lam awan Adun @agustiarismail...
Hawa teuh....
that bereh bg @agustiarismail
sep hayee droeneuh Cek Guh, keuneujak njang cukop djoeh njan, peu-peu mantoeng na ileume di sideh neu peutrang bak kamoe keunoe ue dalam nanggroe. Teurimoeng Geunaseh @agustiarismail.
Lon jak nyan memang jak mita ilme bacut bak awak awak hayeu di jawakarta. Nakeuh hideih lon le meutamah ngon selaen ilme tentang jurnalistik. Selaen nyan na agenda program unruk ta peuget di nanggroe euntek. Mudah mudahan peu tatarget jeut meuhase.
You got a 1.47% upvote from @buildawhale courtesy of @agustiarismail!
If you believe this post is spam or abuse, please report it to our Discord #abuse channel.
If you want to support our Curation Digest or our Spam & Abuse prevention efforts, please vote @themarkymark as witness.
Seumoga lagee ban hajat.
Insyaallah...