Pag-aalay (tula 34)
Nabasa ko sa isang munting booklet ni Sta Faustina nasasad dito na maraming paghihirap ang nasasayang dahil hindi ito iniialay para sa kulawalhatian ng Panginoon. Sa totoo lang ,matapos ko mabasa ang mensaheng ito tila may bombilyang umilaw sa itaas ng aking uluhan. Ting!.
Nabaitd ko ang bagay na ito mga isang dekada na ang nakakaraan. Salamat sa isang bagong kaibigan na nagbigay sa akin ng booklet na iyon na akin din namang ibinahagi sa iba. Syang tunay nga, imbis na magreklamo sa mga dinadanas na hirap ay bakit di na lamang ito ialay sa Diyos higit sa lahat kung ang paghihirap ay hindi rin naman maiiwasan pa.
Sa aking pagbabalik-tanaw sa aking dyornal , nabasa ko ang tulang ito na ibabahagi ko sa inyo. Isa itong gabay kung paano nga ba mas magiging kapaki-pakinabang ang mga paghihirap nating dinadanas na hindi rin naman maiwas-iwasan
Pag-aalay
Mga pangarap na nais matupad
Ngunit di nagtatagumpay
ang mga inaasam di nagaganap
Dahil kung Iyong kalooban ito'y mainam
Basta't Iyong kaloob may kapahingahan
Tagumpay maaasahan
Malayo man sa aking hinagap
Maglaho man sa akin ang lahat
Ang mahalaga ako sa Iyo ay manatiling tapat
Manatili lamang ako sa Iyo
Lahat nawa ay hindi masayang
Ang paghihirap sa Iyo iniaalay, inilalaan
upang kaluluwa ay magkamit ng kaligtasan
upang magbalik-loob ang makasalanan
para sa kabanalan ng kaparian
para ang pamilya ay magdamayan
para sa aking kabanalan
at upang makilala Ka ng lubusan
Ngunit sa akin maiiwan
isang pusong nananangan
sa Diyos na tanging hangad ay kabutihan lang
Magmula ng matutunan ko na iaalay ang aking mga nararanasang hirap sa Diyos napansin ko na doon din nagmulang lumiwanag at guminhawa ang aking buhay. Hiid ibinibigay ng Diyos ang paghihirap para sa paghihirap lamang. Ibinigay Niya ito bukod sa karagdagang karunungan, ay upang magkaroon tayo ng maiaalay sa Kanya para sa mas lalong ikakabuti ng sangsinukob. Anumang uri ng paghihirap ang iyong dinadanas wag mo kalimutan iaalay iyan sa Diyos. Ang panalangin na may kasamang pag-aalay ay malayo ang nararating. Amen
Maraming Salamat po sa Pagbabasa
pinagmulan
Hanggang sa susunod...
Congratulations! This post has been upvoted from the communal account, @minnowsupport, by BeyondDisability from the Minnow Support Project. It's a witness project run by aggroed, ausbitbank, teamsteem, theprophet0, someguy123, neoxian, followbtcnews, and netuoso. The goal is to help Steemit grow by supporting Minnows. Please find us at the Peace, Abundance, and Liberty Network (PALnet) Discord Channel. It's a completely public and open space to all members of the Steemit community who voluntarily choose to be there.
If you would like to delegate to the Minnow Support Project you can do so by clicking on the following links: 50SP, 100SP, 250SP, 500SP, 1000SP, 5000SP.
Be sure to leave at least 50SP undelegated on your account.