Pagtulong ~ Orihinal na tula
“Aanhin pa ang damo,
Kung patay na ang kabayo”
Isang katagang magpapatotoo
Sa kabutihan ng isang tao
Ang pagtulong sa kapwa
Ay isang mabuting gawa
Butihing pusong may awa
Upang ang iba’y guminhawa
Marapat na tulungan
Ang sinumang nangangailangan
Yaman lamang din naman
Na ikaw ay may kakayanan
Huwag lang sana mahuli
Ang tulong na nais ibahagi
Dahil imbis na mapabuti
Baka sa huli ay magsisi
Ang ugaling Mañana
Sa ating ninuno ay minana
Ang pagsambit ng mamaya na
Ay dapat nating iwasan na
Lagi nating pakatatandaan:
“Kung ano ang ating itinanim,
Ay siya rin namang ating aanihin”
S’yang tunay na ang pagtulong ay napakainam