#66 - Pantoen Aceh | Ie Lam Batee

---

Lam krueng lee meusipreuek batee
Ie meu ilee di troen u kuala
Lam leungkiek batee meu crek2 dilee
Hana rayeuk lee teu toep di keumala

Ramee ureung senang bukoen lee
Jak keumawee watee ie hana
Lee udeueng ka dengon bacee
Lam leungkiek batee di meu poya

Di emak-emak nyang susah hatee
Hanjeut rah bajee ka dengon ija
Sebab ie ke diet kutoe beukon lee
Hana gleh bajee hana pat cuca

Inong agam nyang teungoh perlee
Bek susah hatee keu ie krueng raya
Sabab musem baroe troek meutentei
Baroe le di lee jinoe kemarau teuka

Ta lakee bak Po meu doa sabee
Kemarau le bek trep that ta rasa
Beubagah geubie ujeuen diateuh gle
Mangat beu ilee, emak2 bek susah meu cuca

---

Meu - Panton

Teurimoeng Geunaseh

---

Posted from my blog with SteemPress : https://meupanton.000webhostapp.com/2018/09/66-pantoen-aceh-ie-lam-batee

---