ମାଛ , ଅଣ୍ଡା ଓ କୁକୁଡାରେ ନାହିଁ କରୋନା
![](https://steemitimages.com/640x0/https://atrnews.in/wp-content/uploads/2020/03/Chickens.jpg)
ଭୁବନେଶ୍ୱର ( ଏଟିଆର ବ୍ୟୁରୋ): ଦେଶରେ କରୋନା ସଂକ୍ରମଣ ଦିନକୁ ଦିନ ବଢିବାକୁ ଲାଗିଥିବା ବେଳେ ଏବେ ଏହାର ସିଧା ପ୍ରଭାବ ପଡିଛି ଆମିଷ ଉପରେ । ଆମିଷ ବଜାର ଏବେ ପୁରା ଘାଟାରେ ଚାଲିଛି । ଏହି ମହାମାରୀକୁ ଏଡାଇବା ପାଇଁ ସାଧାରଣ ଲୋକ ଏବେ ଆମିଷ ବଜାରରୁ ନଜର ହଟେଇ ଦେଇଛନ୍ତି । ଯାହା ଫଳରେ ଏବେ ଶାଗ ମୁଗ ଦରରେ ବିକ୍ରି ହେଉଛି ଆମିଷ ।
ସବୁଠାରୁ ଏବେ ଅଧିକ ପ୍ରଭାବିତ ହୋଇଛି କୁକୁଡା ଚାଷ ଓ କୁକୁଡା ବ୍ୟବସାୟୀ । ଏଇ ୨ ସପ୍ତାହ ହେଲା କୁକୁଡା ମୂଲ୍ୟ ଗୋଟେ ଗୋଟେ ସ୍ଥାନରେ କେଜି ୩୦ ଟଙ୍କାରେ ମିଳୁଥିବା ଦେଖିବାକୁ ମିଳିଛି । ତେବେ ଏହାକୁ ନେଇ କୃଷିମନ୍ତ୍ରୀ ଅରୁଣ ସାହୁ କହିଛନ୍ତି କୁକୁଡା ମାଶଂରେ କରୋନା ନାହିଁ । ମାଛ ଓ ମାଂସ ଖାଇଲେ କରୋନା ବ୍ୟାପୁଥିବା ଏହା ସମ୍ପୂର୍ଣ୍ଣ ଗୁଜବ ।