କରୋନା ସଚେତନା କମିଟିର ଅଧ୍ୟକ୍ଷ ହେଲେ ସୁବ୍ରତ ବାଗଚୀ
![](https://steemitimages.com/640x0/https://atrnews.in/wp-content/uploads/2020/03/subroto-bagchi-22.jpg)
ଭୁବନେଶ୍ୱର(ଏଟିଆର ବ୍ୟୁରୋ): ସାରା ବିଶ୍ୱକୁ ବର୍ତ୍ତମାନ କରୋନା ଚିନ୍ତା । ଚୀନର ଉହାନ ସହରରୁ ଆରମ୍ଭ ହୋଇଥିବା ଏହି ଭାଇରସ ସାରା ବିଶ୍ୱରେ ତାର କାୟା ବିସ୍ତାର କରିବାରେ ଲାଗିଛି । ବର୍ତ୍ତମାନ ସୁଦ୍ଧା କରୋନା ଭାଇରସରେ ୫ ହଜାରରୁ ଉର୍ଦ୍ଧ ଲୋକ ମୁତୃବରଣ କରିସାରିଲେଣି । ତେବେ ଏହାର ପ୍ରଭାବ ଭାରତରେ ମଧ୍ୟ ଦେଖିବାକୁ ମିଳିଛି । ଭାରତରେ ୧୦୦ ଜଣ ଏହି ଭାଇରସରେ ସଂକ୍ରମଣ ଥିବାବେଳେ ୨ ଜଣଙ୍କ ମୁତୃ ହୋଇଛି । ଓଡିଶାରେ ମଧ୍ୟ ଏହାର ପ୍ରଭାବ ଦେଖିବାକୁ ମିଳିଛି । ରାଜ୍ୟ ସରକାରଙ୍କ ଦ୍ୱାରା ସ୍କୁଲ, କଲେଜ, ଫିଲ୍ମ ହଲ ବନ୍ଦ କରିଦିଆଯାଇଛି ।
ରାଜ୍ୟ ସରକାରଙ୍କ ଦ୍ୱାରା କରୋନା ସଚେତନତା ପାଇଁ ଆଇଇସି ଟିମ୍ ଗଠନ କରାଯାଇଛି । ଏହି ଟିମର ଅଧ୍ୟକ୍ଷ ଭାବେ ରାଜ୍ୟ ସରକାର ଓଡିଶା ଦକ୍ଷତା ବିକାଶ କର୍ତ୍ତପକ୍ଷ ସୁବ୍ରତ ବାଗଚୀଙ୍କୁ ମନେନୀତ କରିଛନ୍ତି । ସୁବ୍ରତ ବିଗଚୀ କରୋନା ବିଷୟରେ ସମସ୍ତ ସୂଚନା ଦେବା ଲାଗି ରାଜ୍ୟ ସରକାରଙ୍କ ମୁଖପାତ୍ର ଭାବେ ନୁଯୁକ୍ତି ଦିଆଯାଇଛି । ସେ ଆଇଇସି ଟିମ୍ କୁ ଗାଇଡ କରିବେ । ଏହା ସହ ସେ କରୋନା ସମ୍ବନ୍ଧରେ ସରକାରଙ୍କ ତରଫରୁ ନିଆଯାଉଥିବା ପ୍ରତିକାରମୂଳକ ପଦକ୍ଷେପ ସମ୍ପର୍କରେ ସୂଚନା ଦେବେ ।