Eleksyon na ugma! Laing mga pasalig na sad ang magpalibing mga saad. As usual, kita ra sad ang nailad. Pero isip respeto sa electoral process nga way ayo ug pag-practice sa democratikong kalihokan nga way klaro, magsugyot lang unta kog pipila ka mga pangutana nga inyong ipangutana sa mga gapapili. Kon wala pa mo kabalo kon kinsa inyong botahan, aw botaran diay, unta makatabang ni sa inyong pagpili kon naa man gani pagapilian.

1. Unsay imong nabuhat lima hangtod napulo katuig (para sa mga SK), napulo hangtod bayente (para sa Barangay) katuig nga makatabang sa imong maayong pagpanerbisyo sa barangay?

2. Unsang prinsipyoha nimo pagasalaon kon unsang mga proyekto sa Barangay ang una nimong ipatuman?

3. Nganong importante man ang usa ka Barangay sa pagtabang sa "nation building"? nga makatabang sa imong maayong pagpanerbisyo sa barangay?

4. Nganong way uswag-uwag ang Pilipinas? Unsay kulang? Unsay dapat buhaton?

5. Unsay imong konsepto sa kabag-ohan?

6. Sa pila na kadekada gapa-eleksyon ang Pilipinas ug pila na sad ka dekada nga way pareha ra gihapon ang mga problema nga ginaatubang sa nasod, nganong makaingon man ka nga gakinahanglan ang atong barangay sa imo ug sa imong "serbisyo"?

7. Unsa imong baroganan ug maingon sa nagahitabo ubos sa administrasyon ni Rodrigo Duterte?

8. Ferdinand Marcos: Bayani o dili bayani? Ngano man?

9. Federalismo: Uyon o dili uyon? Ngano man?

10. Kon hatagan og tsana nga tumanon ni Rodrigo Duterte imong iingon sa iya, unsa man ang imong ipangayo?

Maayong pagbutar ug unta malinawon ang eleksyon ugma.

RELATED POSTS

• Mga Pamalandong Human sa 2018 USTNWW
• Ang Pagtapos mao ang Pagsugod: 2018 UST National Writers Workshop (USTNWW)