Poem: AKALA KO IKAW ANG PAPAWI NG HAPDI

Image Source(direct link to img)

Sinabi sa sarili na di na magmamahal
Nagmahal ako noon at naging hangal
Binigay lahat at isinantabi ang pag-aaral
Naging baliw sa pag-ibig, nawalan ng dangal.

Ngunit dumating ka
Puso'y biglang sumaya
Ayoko na sana ngunit,
Puso ang nagdikta at wala akong magawa.

Niligawan ng ilang buwan
Alam ko iba ka kaya di ako masasaktan
Kung pag-ibig mo ang kaparusahan
Di bale na, basta't wag akong iwan.

Nagdaan ang mga araw
Iyong ngiting nakakasilaw
Puso'y di mapakali
Ng masilayan ang iyong ngiti.

Ng sabihin mong "Oo, tayo na"
Abot langit aking saya
Pigilin man, akoy napaluha
Buhay koy biglang sumigla.

Ngunit di ko alam san ako nagkamali
Paglipas ng ilang buwan,
"Oo" moy bigla mong binawi
Nagbagsakan ang luha at puso'y humapdi
Akala ko, sakit ng puso, ikaw ang papawi.

Ginamit mo lang ako't ginago
Upang mapaselos ang "ex" mo
Sana atin na lang plinano
At ating relasyon di seneryoso.