Syair Birahi Pilkada

Bunga Telang By @ilyasismail

Sereng tajak geujok situek
Sereng taduek geujok tika
Pilkada katrok dua uroe teuk
Pileh hai neuk toh galak gata

Oen balek baloe
Oen pajoe tasumpai plok
Tanyoe sabe keudroe-droe
Pue pasai tameuantok

Cicem ngang bineh pasi
Aneuk kedidi bineh paya
Hana beda peureulak Idi
Pilih bupati soe nyang suka

Nyang bek rakan dawa dawi
Malee that hi lam budaya
Budaya Aceh gaseh ngen bri
Hana dali pake ngen dawa

Dara bagok cedah that hi
Dara idi memeh that rupa
Dara Peureulak mameh bak bibi
Dara Pante bidari lagei india

Pilkada damei ceudah han sakri
Lahee bupati yang bijaksana
Untuk limong thoen tabangun negeri
Rakyat beuna hi makmu sejahteta

Bagok, 24 Agustus 2024
Ilyas Ismail