A memorable day, Enjoy flower exhibition, Dog show, Pakistan
السلام علیکم ،
اتوار کا دن ایسا ہوتا ہے جوکہ سارے ہفتے کی کلفت کو دور کر دیتا ہے۔ ہمارا ارادہ اچانک ریس کورس پارک( لاہور) جانے کا بن گیا۔ وہاں پر آجکل پھولوں کی نمائش لگی ہوئ ہے۔
جب ہم وہاں پہنچے تو شدید رش کا سامنا کرنا پڑا۔ کیونکہ پھولوں کے ساتھ ڈاگ شو، بھی منعقد تھا۔
شوقین لوگ اپنے ہمراہ اپنےکتے بھی لائے ہوئے تھے۔
کیونکہ ریس کورس پارک بہت بڑے رقبے پے محیط ہے اس لیئے اس کے مختلف حصوں میں مختلف مقابلے منعقد تھے۔
مختلف نسلوں کے کتے اپنے مالکوں کے ہمراہ گھوم رہے تھے اور کچھ شو کر کے بھی دکھا رہے تھے کچھ کتوں کو اسٹنٹ سکھائے ہوئے تھے جو کہ وہ پرفارم کر رہے تھے۔ہمارے بچوں کو کتوں سے ڈر بھی لگ رہا تھا لیکن ان کے فر کو دیکھ کے اس کے اوپر ہاتھ پھیرنے کا بھی شوق ہو رہا تھا۔ بہرحال ڈرتے اور انجوائے کرتے ہوئے اس ایریے سے نکلے ۔اور پھر پھولوں کی نمائش والے حصے میں چلے گئے۔
وہاں پر پھولوں کو رنگ برنگی سیٹنگز میں سیٹ کیا ہوا تھا۔
کہیں پہ چاند ستارہ بنا کے تو کہیں اونٹ کی شکل میں سجا کے پھولوں کی نمائش کی ہوئی تھی۔ اس کے علاوہ مختلف فلاور بیڈز اتنے خوبصورت اور دیدہ زیب انداز سے لگائے ہوئے تھے۔ کہ دیکھ کے اس چیز کا اندازہ ہو رہا تھا کہ ان کے بغیر ہماری زندگی میں کتنی خاموشی ہے۔
بچے پھولوں کے درمیان تتلیوں کی طرح اڑے پھر رہے تھے۔ اور بہت خوش ہو رہے تھے۔
ایک ایریا بچوں کے جھولوں کے لیے مختص کیا گیا تھا ۔اور وہاں پر جمپنگ بیڈ ،سلائیڈز، ٹرین اور بہت سارے جھولے لگائے گئے تھے۔ جن میں سے ہم نے بچوں کو صرف جمپنگ بیڈ پہ لے کے جانا پسند کیا۔ کیونکہ رات ہو گئی تھی اور واپسی کا وقت ہو گیا تھا۔ ہم بچوں کو جھولوں سے سیر کروا کے ،چپس اور ائس کریم کھلا کے واپس لے ائے۔
یہ یادگار لمحے گزار کے جب ہم واپس ائے، تو مغرب کے اذان ہو چکی تھی ۔اور گھر ا کے ہم نے نماز مغرب ادا کی ۔اور ایک اچھا دن گزارنے پر اللہ کا شکر ادا کیا ۔
امید کرتی ہوں اپ کو بھی میری پوسٹ پسند ائے گی۔
