සාර්ථකත්වය

_source
ඉතිං කොහොමද ඔයාලට, හොඳින් ඇති කියල හිතනවා. වෙනද වගේම හරිම ඒකාකාරී වුණ දවස් ටිකක් තමයි මට ගෙවන්න වුණෙ. ඒ වගේම කාර්යබහුලයි. ඒ අතරෙ ලියන්නත් වෙලාවක් වෙන් කර ගන්න මට පුළුවන් වුණා.

ඉතිං මං අද කියන්න යන්නෙ මම අහපු කතාවක් ගැන. ඇත්තටම ඒක හරිම හිතට වදින කතාවක්. ඒ වගේම ජීවිතේට ගන්න ලොකු පාඩමක් තියෙන කතාවක්. ඔන්න එහෙනම් මම කතා කියන්නම්.

ඔන්න මේ කතාවෙ ඉන්නෙ ඇතින්නක් සහ බැල්ලියක්. මේ බැල්ලිය පැටවුන් බිහි කරන්න ආසන්නව ඉන්නන බැල්ලියක්. නමුත් ඇතින්නට පැටවුන් නෑ . බැල්ලිය පැටවුන් බිහි කරනවා. මේ විදයට බැල්ලිය දෙතුන් වතාවක්ම පැටවුන් දෙතුන් ⁣දෙනා බැඟින් අවස්ථා කිහ්පයක්ම පැටවුන් බිහි කරත් ඇතින්නට තවමත් පැටවුන් නෑ . මේක දකින බැල්ලිය ඇතින්නට ලගට ගිහින් අහනවලු මම දැන් පැටවුන් කී දෙනෙක් බිහි කලාද, ඒත් ඔබට තාම එකම පැටියෙක්වත් නෑ නේද, ඔබ ගැබ් අරන් ඉන්නවවත් මම දැකල නෑ කියල. එතකොට ඇතින්නි ය මෙහෙම උත්තරයක් දෙනවා. ඔබ ඉක්මනින් පැටවුන් බිහිකලාට මම එහෙම නෑ , දීර්ඝ කාලයකට වරක්, දීර්ඝ ගැබ් කාලයකින් පසුව තමයි මම පැටවුන් බිහි කරන්නෙ. ඔබ කොතරම් පැටවුන් බිහි කරත් කිසිවෙකු ඔවුනට ගරු කරන්න නෑ . නමුත් මගේ පැටවුන්ට සැවොම ගරු කරනවා. ආදරය කරනවා. වටිනා ස්ථානයක් ලබා දෙනවා.

ඉතිං මේකෙන් අපිට හිතට ගන්න තියෙන්නෙ ලොකු පාඩමක්, කෙනෙකුගේ ඉක්මන් සාර්ථකත්වයක් දෙස බලලා අපි අපේ අසාර්ථකත්වය ගැන දුක් වෙන්න නරකයි. මොකද අපිට සාර්ථක වෙන්න කාලයක් යනව කියන්නෙ, ඒකට වැඩි කාලයක් ගන්නව කියන්නෙ අපි අනිවාර්යයෙන්ම හොඳ තැනකට එනව කියන් එක. ඉතිං අපි අපේ උත්සාහය අත් හරින්නෙ නැතුව අපේ ඉලක්කය කරා යන්න මහන්සි වෙන එක තමයි කරන්න ඕන. සමා⁣ජයෙන් එන විවිධ කතා වලින් අධෛර්යමත් නොවී ඉන්න වල බලා ගන්න ඕන. නිකම්ම නිකන් කතාවක් උනත් මම හිතන්නෙ හිතල බලන කොට ඒ කතාවෙන් ලොකු දෙයක් කියවෙනවා. අපේ සමාජෙ මෙහෙම දේවල් අනන්තවත් සිද්ද වෙනවා.

කාලයක් නොගෙන ඉක්මනින් ලබන ගොඩක් ජයග්‍රහණ හරිම තාවකාලිකයි. ඒ වගේම වටිනාකම අඩුයි. නමුත් කාලය ගන්න ජයග්‍රහණවල වටිනාකම වැඩියි කියල තමයි මට නම් හිතෙන්නෙ.

ඉතිං සමහර විට මේක කියවන ඔයත් ඔයාගෙ මන්දගාමී සාර්ථකත්වය ගැන දුක් වෙනව ඇති. නමුත් ඒ ගැන ලොකුවට හිතන්න එපා. මේ ඔයා කාලය ගන්නෙ ඔයාගෙ ජීවිත කාලයක් පවතින සාර්ථකත්වය වෙනුවෙන වෙන්න පුළුවන්. ඉතිං උත්සාහය අත් නොහැර ඉලක්කයටම යන්න. කාලය අරන් සාර්ථක වෙන්න. ජීවිත කාලයටම පවතින්න විදියට.

හැමෝම පරිස්සමින් ඉන්න.