Panton aceh

Mirah empudu, meulu seuroja....
Cabeung sideupa, bungong si karang...
Harap lam pasu, luhu si banja....
Akhe jeut mala , mawoe Seu niram....

Andai lon teupu , rindu ta pura...
Han' teunte kanda, dayong semboyan....
Andai lon teupu , miseu jeut luka....
Han' teunte gata , harap

Nibak pucok gu , putik u mula....
Sinan keuluwa , mameh ngon masam...
Gaseh lon sibu , meu tabu betra....
Akhe nestapa , jinoe mengambang....

Mameh ie susu , teu jampu nira......
Leumak bit rasa, madu teu hidang....
Kata lam buhu , beuribu bahsa....
Meu-ah keu kanda , di hujong lisan.....

Balasan dinda

Senandung rindu, syahdu menggema..
Penghibur jiwa, musik di sebrang....
Separoh lagu, mesyhu irama...
Meusyen pujangga, jumpa pasangan....

Neu izin meulu, jampu sikata....
Ucapan kanda, gasa tudohan....
Hana lon jampu, madu ngen nira...
Gaseh yang lon ba, buken mainan.....

Andai neu teupu, layu sakura....
Han mungken dinda, meunan neu siram...
Andai neu teupu, ibu tan rela...
Han mungken tega, keu lon neu hadang..

Meugah di merdu, Ratu berduka..
Meu sebab gempa, gadoeh pangeran...
Gaseh lon sibu, ragu lam dada....
Restu mak kanda, keu lon geu halang...

Kanda

Tanoh melayu , sep hu dex Ulfa....
Meu tapak Raja , unanggro pahang.....
Rintehan kalbu , sembilu jiwa...
Rihon keu dinda , si blah balohan..

Lon izin meulu , lam layeu kaca...
Beu nalah taba , dalam anjongan..
Walau tan restu , beu satu cinta...
Namun lamdada , sabe han leukang....

Di pulau madu , teu padu cinta...
Ujong sumtra , tabagi sayang....
Meu hut lon peu keu , laju beu sigra...
Tajaweub dinda , dalam suratan...

Dinda

Keupeu lon sibu, labu keu pila...
Nyoe hana laba, oeh te tadagang....
Percuma lon eu, jaweb ngen sigra..
Nyeu restu bunda, goh na jelasan....

Mameh boh kulu, jampu ngen saka...
Masam that cuka, taboh lam rendang....
Han mapan rayu, meulu hai kanda....
Urusan cinta, buken mainan.....

Oeh ka setuju, restu sau dara....
Neu langkah sigra, tanle penghalang...
Segolom layu, madu dahlia....
Ulon preh haba, saboh jawaban.....

Kanda

Langet mem biru , lon eu meu mega....
Puteh wareuna , cot uroe timang...
Bekle lam pilu , kalbu adinda.....
Jawaban lon ba , bacut seu nulam.....

Asai bek karu , meulu lon damba.....
Akan seu reuta , poma lon tuan...
Akan geu restu , le Abu kanda....
Pulom syehdara , ka di kuta blang..

Bek pike sapeu , hy meulu cina...
Pawoen permata , kana meu sajan....
Beu leumik takeu , lon sinteu sigra....
Nibak K.U.A , gata lon paban....

Aneuk leuk kutru , meusu 0h faja...
Dicong kupila , meuduk cem subang.....
Mandum setuju , restu geu buka....
Kiban bak gata , jaweub dek Intan...

Dinda

Cerah lam qalbu, meuhu cahaya...
Jawaban neuba, hate lon seunang...
Jinoe dek meulu, baru sedia....
Lamaran kanda, tanle penghalang...

Cincin emas hu , biru permata.....
Hana lon suka, mahar yang meunan...
Kasep ngon kulhu, abu neu baca....
Neu lamar dinda, ngon gaseh sayang....

Kanda

Menyo lam kalbu , tan pilu rasa...
Senang keu kanda, haba tapulang...
Gaseh han lesu , miseu ngon gata...
Teunte bahgia , Saboh harapan....

Teuma peunusok , lon tawok dinda....
Bek jeut kecewa , kalong tunangan...
Siap ngan pawon , usong keu gata....
Boeh jak hy Lisa , tajabat tangan..

Dinda

Ka lon setuju, wahai kakanda....
Mameh ie muka, lon jabat tangan....
Keudeh ta langkah, u bak KUA...
Nikah beusigra, ngat jroh hubungan...

Teuma na bacut, ingin lon kata....
Dengoen kak itaa, jadi pakiban....
Han mangat ulon, karna syedara...
Kiban lon dusta, meunyo ka meunan....