---

Hallerrrr! Bilang nangako ako ay @twotripleow na susubukan kong manulat sa wikang Filipino, pinagisipan kong mabuti kung ano ang pwede kong maibahagi.

Ting ting ting ting ting ting ting! Lightbulb moment, edi ano pa ba ang pinaka-akmang ibahagi kundi ang pagdiriwang ng Buwan ng Wika nitong nakaraang Agosto.

Oha oha, aminin mo yan ang brilliant ko dun.

Ok, kung ikaw ay isang mag-aaral, o di kaya ay magulang na may junakis na nag-aaral (patalastas: ang mahal ng tuition no?) sigurado updated ka sa mga selebrasyon buwan-buwan.

Ang Hulyo ay... Buwan ng Nutrisyon! Ang Agosto ay... Buwan ng Wika! Ang Setyembre ay... Buwan ni Jose Mari Chan! Hahaha di ba ang daming memes ng 🎵🎶whenever I see girls and boys 🎶🎵 na nagsilabasan pagbukas ng Setyembre.

Teka naliligaw nako sa gusto kong sabihin.

Ayun na nga, nitong katapusan, like 31 Agosto 2018, like inihabol talaga namin yan na pasok sya sa Agosto, ipinagdiwang sa paaralan ni Rafa ang Buwan ng Wika.

Sabi nga ni Gat Jose Rizal, Ang hindi magmahal sa sariling wika ay higit sa hayop at malansang isda.

Speaking of isda... ang mahal ng isda ngayon di ba.

Buti pa ang isda mahal. E ang wikang Filipino mahal pa ba natin?

Medyo guilty ako dito. Bilang nanay, ang aking mga choices ay nakaimpluwensya kay Rafa na lumaking mas komportable sa wikang Ingles. Ganyan na yata talaga ang uso ngayon e, karamihan ng mga bata English na rin kasi kinakausap ng mga tao sa paligid nila.

Pagkalabas ni baby sa earth, ano ang isa sa mga unang itinuturo? Close,open. Na may hand gestures syempre.

Ano ang pinapakinggan? Nursery Rhymes gaya ng Baby Jesus Baby Jesus do not cry, Twinkle Twinkle Little Star at iba pa.

Madalang nalang ang maagang natuturuan ng Bahay Kubo (kahit munti) o ng Ako ay May Lobo (lumipad sa langit).

Yung lobo siguro kaya di tinuturo kasi naman ang lungkot.

Ako ay may lobo
Lumipad sa langit
Di ko na makita
Pumutok na pala.

O di ba baka umiyak pa si beybi pag ganyan.

Tapos naman ang isa sa mga maagang napapanuod ng bata ay si Barney (the dinosaur from our imagination) o kaya Sesame Street.

Trivia: ang Linga pala sa kantang Bahay Kubo ay sesame seed. Naloka ako nung nalaman ko ito way back, parang pakiramdam ko nun ay isang mystery solved ito.

Tapos aminin din natin, madaming bata na ang exposed sa gadgets, at sa mahiwagang mundo ng youtube. Maraming bata rin ang self-taught ang English, minsan mas magagaling pa sila kesa sa mga matatanda sa paligid nila kasi nga nakasanayan nila manuod ng mga palabas na Ingles.

Anyways mabalik ulit, kaya mainam ang ginagawa sa paaralan na, kahit man lang sa isang buwan sa isang taon e nakatutok tayo sa pagpapahalaga sa Wikang Filipino.

So ayun na nga, nagkaroon ng programa sa paaralan- may sayaw ang mga bata, may balagtasan, may pag-awit at mayroon ding pagsasadula. Bago ang aktuwal na programa, nagkaron na ng Patimpalak sa Balagtasan ang mga bata sa kanikanilang baitang.

Kahit balibaliktad ang dila, at may accent ang pagsasalita nya ng Filipino, isa pa rin si Rafa sa mga nagkamit ng papuri para sa kanilang balagtasan.

Nakakatuwa kasi ineffortan nyang tandaan ang mga titik sa kanilang balagtasan. Nakita mo naman sa video kung pano kami nagpraktis. Ang medyo mahirap sa praktis namin, kinailangan kong ipaliwanag ang bawat talata at salita, ang hirap kasi intindihin kung di sanay sa lengwahe.

Nakakatawa lang, habang may nagtatanghal sa
entablado, nasasabayan ko na yung sinasabi ng mga bata. Namemorize ko na rin e, hahaha.

Kyooot na kyooot din sila sa pagsayaw ng Leron Leron Sinta. Medyo mahirap kabisaduhin yung side-step side-step dance move nila ha. Nagkakabanggan pa sila minsan haha, pero in a cute way.

Ayan, natuwa naman lahat ng bata (at matatanda) sa ginanap na pagdiriwang.

Naalala ko nung second year high school ako may sabayang pagbigkas kami. Full costume ng Filipiniana sa mga babae, Barong Tagalog o kaya ay Kamisa Tsino sa mga lalaki, at may maraming armas at malaking watawat din. Ang galing noon, pag may mga ganyang ganap hashtag feeling accomplished at hashtag feeling proud lahat.

Naalala mo pa ba yung mga panahong ginagawa nyo rin to sa paaralan nyo? Kwento! Hehe.

---

Follow @bayanihan to view the work of exceptional PH talents!

Visit @sndbox page and learn about the amazing incubator for creatives and communities.

If you would like to support initiatives on community building and enrichment, kindly check out @steemph, @steemph.cebu, @steemph.manila, @steemph.iligan, @steemph.davao @steemph.antipolo and @steemph.uae.

---

▶️ DTube
▶️ IPFS