Pantun jenaka aceh lucu

♡♡ CINTA MAK SIHAMIDAH ♡♡
😂😂😂😂😂😂😂😂😂😂😂😂😂
Cukôp that lagak mak si hamidah
Si ulah-ulah bintang keujöra
Keuiëng jih rampeng licen ngon wajah
Bibi pih mirah that meupeusöna
♢♢♢
Laksana buleuën ureuëng kôp ceudah
Buleuën limöng blah seumeulhôh dönya
Meuheut lôn juthôk beutrôk ngön galah
Dak jeut beubagah lôn yang poë jeumba
♢♢♢
Katrep lôn meusyen baten geulisah
Ek gata balah nyo kujôk cinta ?
Walau cut abang tan kaya boinah
Kutem meusumpah suai seutia
♢♢♢
Adek na siap kupakat nikah ??
Yang bek tapeugah gata ka janda
Memang kutupeu tabeu ie lam glah
Keubit puleh grah lôn pandang rupa
♢♢♢
Bek le meurante hate tapeuhah
Jinoë keuh kisah laen tabuka !!
Takheun keutanggôh cit katrôh iddah
Lam hukôm kasah meurumöh tangga
♢♢♢
Lôn preh balasan pajan kabalah ?
Ngat gadöh reusah yang ka lôn rasa
Katem han katem peunteng beujelah !
Watee pah sa'ah tapulang haba....
♢♢♢
OLEH : Musri Na Katuri