"Si Ronald ug ang Poblasyon sa Molave" ug "Tapad" (2 Cebuano Poems in 1)

Si Ronald ug ang Poblasyon sa Molave

<•••>

Ang tanan nag-alipasa,
Nagkatawa,
Misyagit ang tindera sa karinderya
Samtang nagtutuk tanan kang Ronald,
"Baglak! Pahawa kay manimaho ming baklag!"
Sa walay duha-duha misugod nag tikang ang tiil niyang wala.
Gelabay si Ronald og Bahaw'ng nilat-ang baka.
Iyang gepunit, gesugda'g kitkit. Og ni hunghung sa iyang kaugalingon
"Salamat 'te"
Si Ronald ang mansisibya sa kahilom.
Nagsyagit-syagit ang iyang pulong sa ilalom.

_{Image Source}

---

Tapad

<•••>

sa ngiob nga palibot

daw sama rako sa gapas sa kalangitan
nga ga-alirong sa hayag nga bulan

diin gatuki sa akong adlawang kagahapon
kaniadtong nagtapad pami sa usa ka bituon

_{Image Source}

---