Poem / WALA NANG MAIBABALIK PA (A Filipino Poetry)
Minsan, napapaisip ako
Ano kayang mangyayari kapag hindi ko idinaan sa biro ang nararamdaman ko?
Ano kayang mangyayari kapag hindi ko pinagdudahan ang mga kilos mo?
Ano kayang mangyayari kapag naniwala ako sayo?
Lahat kaya ay hahantong pa rin dito?
Sariwa pa sa aking isipan ang mga pangakong binitiwan mo
Na para bang kahapon lamang nang ito'y bigkasin mo
Na para bang kahapon, ako pa yung kasama mo
Na para bang kahapon, ako pa ang mahal mo
Apat na letra, isang salita
Iyan ang napili mong tawagan natin sinta
Tawagang nagpaibig at nagpakilig sa aking sistema
Na nagdulot sa sakit na ngayon ay iniinda
Sa dinami-dami ng lalaki, bakit ako pa?
Bakit ako pa ang napiling lokohin sinta--
Sinta? Ha! Ako rin ba ay iyong sinisinta?
O baka ay niloko at pinagtawanan kasama ng iyong mga barkada?
Sa malayo, sa iyo, ako'y nakatingin
Bakit di ako lumapit? Dahil baka ako'y iyong tabuyin
May nais sana akong sabihin
Kaso laging umaatras dahil baka ito'y hindi mo dinggin
Ano nga bang meron siya na wala ako?
Aminado akong mas gwapo siya't mas matalino
Mas mabait at mas matino
Pero kaya ko namang magbago basta para sa iyo
Oo. Oo umaasa ako
Umaasa ako na maibalik parin ang dating tayo
Ngunit kahit anong gawin ko ay wala na akong magagawa
Wala nang magagawa dahil wala nang maibabalik pa.
WALA NANG MAIBABALIK PA
05 / 05 / 2018
Be a member on our Facebook page -- Click this Link
Your steem friend,
-Niño M.-