Hikayat Muda Seudang, Pt. 41; Persiapan Acara
Hana jan ta thee uroe ka seupout
Asa trouh sambout geupiyouh haba
Laju geugisa langkah ka geu bout
Marah geu takout yahwa ngon mawa
Ban trouh u rumoh ka keunong seurapa
Bak cut ni mawa meupep-pep sidroe
Gabuek dum ureueng ka gadoh si Muda
Takot that mawa gadoh keumuen droe
Laen ceurita si ani adoe di saudah
Seudeh meuleupah ka keumong mata
Jitakot nyak Muda teupeh ngon lidah
Bak seubab babah teumanyoung saja
Lon woe di keudee u mawa cut ni
Hawa lon kalon hi keudee kuta blang
Lalee that lon duek lam waroung kupi
Dua ngon nek waki tukang peugot jang
Uroe lheueh asa ka ramee nyang teuka
Dum kawoum lingka karoung ngon wareh
Bantu peusiap peureulee keu saudah acara
Tuha ngon muda jak bantu peu bereh
Seueng ngon maguen mulai geupeudong
Geupeugot beu kong ngon trieng meuduroe
Peunajouh keurija kana kuwah lengkong
Agam ngon inong buet lam suka ria
Hana teurasa malam trouh teuka
Pemudi pemuda geulanjout kerija
Ladoum di dalam ladoum di luwa
Rumoh ji tata beutari meumacam cara
Peulamin geupeugot dua lhee tingkat
Seulingka geuikat ngon ija kuneng
Bungong geupeuduek nyak leubeh leukat
Ngon ija kasab si bungong tameng
Teuma si saudah sideh lam kama
Teungoh bouh oun kaca ngon dara muda
Jaroe ngon gaki ji hias tari leupah na
Sang putroe raja di dalam istana
Di ureueng nyan muda sibok di luwa
Mandum keurija pue-pue nyang peunteng
Ladoum peugot seueng atawa tenda
Ladoum ji meukra batee ji banteng
Nyang leupah hayeue chit di dalam kama
Ramee dum dara seumapa disinan
Gabuek teumanyong sambee keurija
Nyang tampan muda soe keuh ta hei nan
Alahai saudah ta peuturi ngon lon
Leupah meusanton lon kalon bawa
Get that peunasaran di si zainabon
Ji kalon alon tampan that rupa
Kon kah matong beh hai zainabon
Meunan chit bak lon neupeugah nama
Han jitheuen talou di sinyak aton
Gabuek meupanton meuratouh haba
Saudah geuseunyum sampoe deuh igoe
Seunang si putroe geukalon tingkah
Nyan seupupu lon soe peureulee tusoe
Tapi nyan kana po ka rhap geumeunikah
Meutamah gabuek di dalam kama
Haba nyak Muda ka meupo jeumba
Seureuntak dikalon ateueh aini dara
Langsong ji dakwa aini po jeumba
Kon lon hai kak aton ngon kak zainabon
Pat mungken keu lon galak geuh raya
Ka lheueh geukeubah dara di duson
Bungong po rihoun di cut bang Muda
Han mungken han galak jih jikalon gata
Bungong ceudah rupa ban saboh kuta
Hana lom bandeng hai keu rupa gata
Tamsee malakut chit intan peurmata
Abeh dum pungo ureueng agam keu gata
Pue keuh di kuta atawa lam gampong
Sampoe na nyang meulho agam di kuta
Bak galak keu gata hai bungong gampong
Meunyoe keu gata han meukap rasa
Kiban keuh lagak rupa si dara duson
Meunyoe ngon lon sang payah surot lanja
payah peumeumada ngon abang khairon
Di luwa nyak Muda teurhouk siat-at
Lagee meukeumat abee lam reukueng
Hana meu jithee soe na meusurat
Keurija jikarat bah meuhat balueng
Bek tuwoe neubaca chit ata awai mangat meuho uram ngon ikue;
- Bhah peut plouh Hana Meuphoun
- Bhah lhee plouh sikureueng Rihoun
- Bhah lhee plouh lapan Meujangeuen
- Bhah lhee plouh tujoh Cemburu
- Bhah lhee plouh nan Rumoh Mawa 5
- Bhah lhee plouh limong Rumoh Mawa 4
- Bhah lhee plouh peut Rumoh Mawa 3
- Bhah lhee plouh lhee Rumoh Mawa 2
- Bhah lhee plouh dua Rumoh Mawa
- Bhah lhee plouh sa U Tingkeum Manyang
- Bhah lhee plouh Lam Perjalanan 3
- Bhah dua plouh sikureueng Lam Perjalanan 2
- Bhah dua plouh lapan Lam Perjalanan
- Bhah dua plouh tujoh Ulang Kisah
- Bhah dua plouh nam Bak Cut Ti Hayat
- Bhah dua plouh limong Meupisah
- Bhah dua plouh peuet Ziarah Kubu
- Bhah dua plouh lhee Jak Ziarah
- Bhah dua plouh dua Sahabat Pang Juhang
- Bhah dua plouh sa Han Sep Beulanja
- Bhah dua plouh Jak Bloe Guda
- Bhah sikureueng blah Langkah Phoun
- Bhah lapan blah Ie Mata Bungsu
- Bhah tujoh blah Meurumpok Ngon Guree
- Bhah nam blah Jangeuen Asmara
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
Nyan bek troih aneuk dara jadi2an teuma nyang jak intat ie keu ureung teurhok beuh 😂 gadoih lhee buleuen.. ka han jadeh wo u pasee teuma
Hahahahaha
Han teumbouh siluman keunan, sep that geupeutron isem le abu peh tima
Bereeih meunyou meunan, hana that hie bhah malem dewa atawa prabu siliwangi 😂😂, nyan ka braat .. rhap 5 episode lam gampong nyan mantong yaa
Ka mangat bak tuleh, kiban yang dijak laju. Sang hinan na dua boh episode teuk baro jeut ta lanjot bagian laen. Bah na variasi bacut dang dang trouh bak punca tujuan.
Ta useuha peugot bek na hi ngon hikayat nyang kana jameun, bah hi atra droe teuh, walaupun kualitas tanyoe mantong miyup that.
Bek pikee that keu kualitas siat nyou. Haba jameun sesuai ngon watee drou jih. Lagee kheun gob "setiap orang ada masanya, setiap masa ada orangnya" jadi.. ka jeut neu jaga ritme tulesan nyang berkelanjotan mantong ka hayeu.
Nteuk watee ka troih watee, jeut neu edit revisi tamah kureung. Disesuaikan ngen masa, nyang penteng "sesuai pakem" kheun ureung careng😂
Brat hai meureumbok sagoe nyan?
$ang ka mulai neuk saeng sinyak bungsu aisyah?
"Malam nyoe rencana lon neuk pos bhah keude kupi dipamulang, tp ka halangan bak wate, jd kakeuh
post peungeut good-karma mtg beunoe lon peu ek,
meu ase sit lon peungeut jih..khak...
Alah! hana mpue pih ku jak peugah hai bak urg kaya.
Alhamdulillah meunyou meuhasee.. nyou ka abeih watee bak #pehtem kupi dari supot bunoe, han ta teumeung saweu blog droun, preih singoih beungoh beuh.. nyou ka jula that, ban top keudee.. teungeut teuh😪
Alahai mak eee tuwanku ka trouh geujak saweu keunoe.
Saweueb ka teulat, bu lukat kuah tuhee ka abeh beh
Rencana lon meunan. Nyoe ka mulai lon edit bacut2 dari phoun. Adakpih watee dudoe han sanggop ta cetak buku, paleng han ta cetak meu dua lhee boh keu kenang-kenangan keu rakan ban mandum nyang ka geu support tanyoe dari awai hingga seuleusoe.
As a follower of @followforupvotes this post has been randomly selected and upvoted! Enjoy your upvote and have a great day!
:-)
Nice app