Hikayat Muda Seudang, Pt. 31; Trouh U Tingkeum Manyang
Geu troun nyak Muda ka nibak guda
Geuduek meusila di ateueh naleueng
Baluem geu cok bungkoh geubuka
Peupuleh daya ngon ruti bateueng
Ruti geupajouh tok ngon ie puteh
Sang-sang sep mameh meucawoe saka
Tamsee ta duek ngon dara puteh gleh
Meunyoe ka leuteh ie puteh jeut keu peunawa
Hana trep geu duek geubeudoh rijang
Muda Seudang jak seutot alamat
Pah meurumpok ngon ureueng ba jang
Alamat geulayang tanyong rumoh pat
Salam 'alaikonm wahee e abu
Ho keuh lon tuju rumoh cut ni
Lakoe geuh teungku ampon ibeunu
Meuheuet lon sibu amanah ummi
'Alaikom salam aneuek meutuwah
Hana soe teugah keu rumoh tatuju
Rhot bineh meusijid na jalan luwah
Langsong ta sasah sigoh lampoh u
Sinan neu tamong jurong nyang rhot wie
Deuh neukalon hi rumoh meubanja
Peuteupat ra-ueh teutap siblah wie
Pageu meuriti bak lampoh pala
Ujong jurong na rumoh manyang
Keunan hai seudang tujoan gata
Izin lon lakee lanjot lon ba jang
Beutrouh lon rijang eungkot lon mita
Langsong geujak nyak Muda Seudang
Bak rumoh manyang alamat teuka
Beutoi geupeugah le abu mee jang
Rumoh geupandang lam lampoh pala
Trouh bak leuen saleuem geulanggam
Meusambot salam di dalam rumoh
Puna hai aduen tanyong si agam
Ayah di dalam neu tamong u rumoh
Bek tuwoe neubaca chit ata awai mangat meuho uram ngon ikue;
- Bhah lhee plouh Lam Perjalanan 3
- Bhah dua plouh sikureueng Lam Perjalanan 2
- Bhah dua plouh lapan Lam Perjalanan
- Bhah dua plouh tujoh Ulang Kisah
- Bhah dua plouh nam Bak Cut Ti Hayat
- Bhah dua plouh limong Meupisah
- Bhah dua plouh peuet Ziarah Kubu
- Bhah dua plouh lhee Jak Ziarah
- Bhah dua plouh dua Sahabat Pang Juhang
- Bhah dua plouh sa Han Sep Beulanja
- Bhah dua plouh Jak Bloe Guda
- Bhah sikureueng blah Langkah Phoun
- Bhah lapan blah Ie Mata Bungsu
- Bhah tujoh blah Meurumpok Ngon Guree
- Bhah nam blah Jangeuen Asmara
- Bhah limong blah Reuncana Keulana
- Bhah peut blah Nanggroe Ujong Utara
- Bhah lhee blah Tujoh Uroe Tujoh Malam
- Bhah dua blah Nasehat Poma
- Bhah siblah Senue
- Bhah Siploh Keunari Tujoh Rupa
- Bhah sikureueng Syarat Nikah
- Bhah lapan Haba Bahgia
- Bhah tujoh Aneuek Bungsu
- Bhah nam Mula Inti Ceurita
- Bhah limong Masa Abege Dua
- Bhah peuet Masa Abege Sa
- Bhah lhee Muda Lam Ayon
- Bhah dua Awai Phoun Mula
- Bhah sa Muqaddimah
@lamkote, I gave you a vote!
If you follow me, I will also follow you in return!
Enjoy some !popcorn courtesy of @nextgencrypto!
Assalamualaikum saleum ulon bri
Saleum keu nyak ti ngon muda seudang
Jonoe di ulon ka seunang lom kri
Saweub keumbali nyak muda seudang!😂
Welcome back! I'll be back!👋
Kru seumangat rakan sinaroe
Bungong lam uroe layee bak tampok
Maklum nyak Muda ka saket igoe
Keunong lam rantoe si mirah pupok
Hai dooo kudodaidi
Seutui keudangdi masak si cong bak
Puteh hate lam silaturrahmi
Sabee meuturi haba meusigak
seumangat neupeukru keu sinyak muda
bah bagah troh pinta si cut putroe.....pue reoh nan jih yg nyak muda neuk pinang?
Meuhan sayang that nyak muda meu ula ili
Golom meupat kri keunari 7 rupa
Abeh ujong nanggroe nyan muda cari
Sampe guda2 patah gaki meusuruek lam paya
Aleh pajan teuma nyak muda ji teume duek sandeng
Pue keuh ji teume puteh janggot ngon mese baro teulaksana?
Yg jls nyk muda jinoe kapuseng2, bak pike peunteng
keunari 7 rupa...
Hom hai!
Bek neupeugah patah gaki si guda
Bek neukheun nyak muda meu udaidi
Saweueb si lantang si tuleueng baja
Super jih nyak muda mantan ba taksi
Lon pike kadang hai lagenyan
Saweub hana deuh padum uroe ka
Kadang ka reubah dalam perjalanan
Bak geu useuha keunari 7 rupa
saleuem keu nyak muda seumoga beu meu ase
ban cita2, bek roh meucaweo ngon peungaroh janda ti