Hikayat Muda Seudang, Pt. 30; Lam Perjalanan 3

SEUNAMBONG CEURITA

Beudoh beurangkat nyak Muda Seudang
Ngon guda lantang ateueng blang geuseutot
Rhot wie bak pineung meubanja panyang
Alamat that timang bang yunoh peugot

Ujong tanoh blang meurumpok bak panjoe
Geugisa keumudoe rhot likot meunasah
Jalan rayeuk meurumpok 'oh dudoe
Ra-ueh meutaloe trouh u kuta falah

Abeih dum ureueng bak tiep-tiep sagoe
Aduen ngon adoe geutanyong saja
U kuta falah beu trouh meusampoe
Sisat 'oh dudoe hana meuguna

Meukira gampong meubileung kuta
Hana ta kira duson ngon jurong
Reu-ouh ji teubiet pih sep meugura
Ngon si lantang guda jiplueng meusandrong

Kadang ek buket kadang rhot teureubeh
Badan meucureh bek ta peu dakwa
Han pue ta kira seunang ngon seudeh
Bak seutot reunteh nanggroe utara

Meukaleueng ngon krueng payah ek raket
Kadang ka ciret bak baplueng guda
Bak geu koh paya ka meuleuhob tumet
Payah jak singklet bek meukeumat guda

Uroe meukeulana bak meutujo arah
Malam bak meunasah teungeut sikeujap
Nyang peunteung rhueng na pat peureubah
Bek tanyong sosah ngon geu eh siklap

Alahai mak ee leupah that sayang
Si Muda Seudang jak seutot peuneuwoe
Hana teujalok meu sikeutu barang
Le that meualang ra-ueh lam rantoe

Mirah leuhu si bungong mawoe
Han ek ji gantoe si bungong jeumpa
Bak seutot keunari lagee lam lumpoe
Syarat peuneuwoe keu bungsu dara

Peuet uroe geujak dari phoun mula
Sampoe nyak Muda u tingkeum manyang
Geu ingat surat amanah bak poma
Keu Po Cut Ni mawa wajeb geu layang

MEUSAMBONG

Bek tuwoe neubaca chit ata awai mangat meuho uram ngon ikue;

• Bhah dua plouh sikureueng Lam Perjalanan 3
• Bhah dua plouh lapan Lam Perjalanan
• Bhah dua plouh tujoh Ulang Kisah
• Bhah dua plouh nam Bak Cut Ti Hayat
• Bhah dua plouh limong Meupisah
• Bhah dua plouh peuet Ziarah Kubu
• Bhah dua plouh lhee Jak Ziarah
• Bhah dua plouh dua Sahabat Pang Juhang
• Bhah dua plouh sa Han Sep Beulanja
• Bhah dua plouh Jak Bloe Guda
• Bhah sikureueng blah Langkah Phoun
• Bhah lapan blah Ie Mata Bungsu
• Bhah tujoh blah Meurumpok Ngon Guree
• Bhah nam blah Jangeuen Asmara
• Bhah limong blah Reuncana Keulana
• Bhah peut blah Nanggroe Ujong Utara
• Bhah lhee blah Tujoh Uroe Tujoh Malam
• Bhah dua blah Nasehat Poma
• Bhah siblah Senue
• Bhah Siploh Keunari Tujoh Rupa
• Bhah sikureueng Syarat Nikah
• Bhah lapan Haba Bahgia
• Bhah tujoh Aneuek Bungsu
• Bhah nam Mula Inti Ceurita
• Bhah limong Masa Abege Dua
• Bhah peuet Masa Abege Sa
• Bhah lhee Muda Lam Ayon
• Bhah dua Awai Phoun Mula
• Bhah sa Muqaddimah