Sa Iyong Mga Mata

Inyong masdan ang kanyang larawan
Sa unang tingin diba't may gandang angkin
Malantik na pilik buhok na maitim
Mapupulang labing nakakaakit kahit nakatikom

Ngunit iyong pakatitigan kanyang mga mata
Di maikakailang sya'y may problema
Na kahit pa ngumiti sa harap ng kamera
Sakit at pait pa rin ang makikita.

Sa malamlam mong mata tunay na makikita
Tunay mong damdamin na ayaw ipahalata
Di ka makatingin ng tuwid sa madla
Sapagkat ayaw mong kanilang makita iyong mga luha💔