Balak bisdak

Pagtikyup sa adlaw,
Ang kangitngit maaninaw.
Mipuli paghari ang oras kagabhion,
Panahon sa pagpahulay gkan sa tumang pagbudlay.

Mitikyup ang kahayag ug mipuli ang kangitngit,
Apan ang hunahuna padayun nga nagduliraw.
Nangandoy pagtuman sa kanhi gilaraw,
Basin man lamang kini may katumanan.

Apan akong gipaningkamutan,
nga ang tanan hikalimtan.
Arun kung ang kapakyasan,
Sa kapalaran muhasmag,
Gaan nga dawaton kung sanglit pakyasun.

Ang mga mata ko gipiyung,
Uban sa pagtikyup sa kahapon.
Ug akong napamalandong,
Nga may-ugma pang paaboton.

Akong naaninaw nga ang paglaum may gahum,
Busa ako mihilum samtang naghulat sa kabuntagon.
Arun makigbisug ug mupakita sa bag-ong kaisug.
Nga bisan ang hadla sa kapalaran dili makatugbang.

Ikaw, maypaglaum pa ba?
Padayun ug ayaw pag-atras...