Magbalantay

By: @christyn

---

Ginoo, ikaw ang among magbalantay
Sa tanang panahon ug sa kanunay
Dili na kami maguol ug mabalaka
Kay ikaw sa kiliran anaa.

Sa among pagkatulog ug pagkahinanok
Daw ang gabii walay kadaot ug kasamok
Aron sa pag-abot sa kabuntagon
Kami adunay kusog nga mubangon.

Bisan usahay kami mahisalaag o mawala
Imo kaming dali-on sa pagpangita
Aron kami mahibalik nganha kanimo
Sa imo kami hinurot ang pagtoo.

Usa lamang ka paghilak ug singgit
Tungod sa among kahadlok sa kangitngit
Daganon mo kami aron maluwas
Bisan pa man sa among sala ug paglapas.

Nahigugma ka kanamo ug gilayo sa peligro
Among matuod nga Magbalantay sa karnero
Ug sa among adlaw-adlaw nga pagkinabuhi
Kami sa imong langitnong balay mupa-uli.

---

Gigikanan sa Hulagway

---

Recent Filipino-Poetry

Aking Mga Tula	Galing sa Puso
Pagbubuntis	Ako'y Naiiba
Aakyat ng Ligaw	Ako ay Birhen
Ligaya na Hindi Tayo	Bakit Sila Nilikha
Hindi Ako Paasa	Pusong Serena
Bayaning Sundalo	Aking Tagumpay
Maglaro Ka Muna	Hayskul Love
Huwag Mong Ipilit	Tuloy Parin
Pag-ibig na Walang Hanggan	Muling Magkasama
Sarado na ang Puso	Palayain ang Puso
Kaibigang Tunay	Masayang Pagluha

---