Tajak u laot ta tawe bileh
Ta pasoe lam keh lawok ngen sira
Saleum lon arong keu mandum wareh
Sapa lon tuleh lewat media

Panton keu siblah jinoe ku tuleh
Ku neuk peusaheh nibak calitra
PUASA judul jih hai bang dolateh
Jinoe lon ireh wahe syedara

Geutanyo islam itam ngen puteh
Wajep tapateh suroh rabbana
Wajeb PUASA bek rhoh buet paleh
Tanyo beu meuceh sabe meudoa

Beuna sedeukah rakan ngen wareh
Pahala meutindeh buleun PUASA
Yang brok2 tatiek keudeh lam binteh
Tanyo bek meulanggeh wahe syedara

Peubuet ibadat bak malam taraweh
Mangat puteh gleh pahala gata
Gata bek lalo hai adun ngen wareh
Beu neu pateh ulon bri haba