Uteun aceh

Salam alaikum hai bandum rakan,
Saleum loentuan @armiaaceh,
Jinoe lon kisah saboeh kejadian,
Aceh lon sayang uteun rab abeh,

Yoeh masa dilei leupie hana ban,
Banjir pih sang hana toem teupeh,
Jinoe takalon hate susahan,
Kayee di teubang lam uteun aceh.

Adak na hukom bak pemerintahan,
Tapi hai rakan goh tentei bereh,
Sebab yang jidroep tok ureung teubang,
Nye toke rakan hana di cukeh.

Menye lageinyan hukom yang di jalankan,
Hana ta tujan aceh nyoe bereh,
Sebab tiep uroe kayee di teubang,
Jeut takalon hai bang tajak peusaheh.

Meumada oeh noe dilee karangan,
Dari loentuan @armiaaceh,
Bak kali laen ta sambong teuman,
Menye hai rakan ulee lon bereh