How steemit make my life better

Una good morning everybody wey de this better platform.
Since I join this forum, na better people I don meet and better contest na him I don de participate in. The last one wey I do "Mimi's contest". The contest too make sense, na different funny question na him de ask and na better better answers na him people just de give.

wetin steemit don do for my life since I join

Na everybody wey I meet na him I de always tell about steemit, because steemit don better my life no be small..

1. First and foremost steemit don help me to de get small change for pocket. The Nigeria wey we de today, my people before person fit give you #100, u for don do the person something wey worth #1000.
   Plenty ideas na him don fall down for ground because people no get who to share them with or person wey fit pay dem and make better thing Commot for their ideas.
   But e no de like that for steemit, they ready hear wetin you wan talk, ready correct you if e no de right, ready pay you for your work.. Abeg my people who fit do all this for Nigeria today.

2. My people to meet person for this life na one thing , make the person kan get sense na another thing. For steemit my brother na almost everybody get sense because I Neva too sabi everybody, but the post wey I de see here everyday show say people get sense.
   The thing wey funny me pass na my very very good freind @official Hord. Official Hord na person wey be say na pass e get Commot for school, but for steemit e don make money wey me wey I be first-class student never make.
   Since I join steemit I don de change my freinds, almost all my friends now na steemit dem de.

3. Steemit don make my friends wey we de from small, wey we gather join steemit don turn better people wey fit stand outside talk for were other people they talk, de don de even get sense small small.
   Jan9 na one day wey I no fit forget because of the way my friends take support me for my birthday. Birthday wey I don de do before, na only me de always spend all the money, dem no de ever support me and I no blame dem, na because money no de.
   But now my freinds de very supportive.

4. Steemit don increase my entrepreneurial skills. Now na everyday na him I de think of d next thing to tell my people. Before I no de use my time wisely, but now if I never write for steemit, my body system no go de alright.. E kan be like say me and steemit don turn brothers...

I thank all of una wey don make this steemit a better place wey everybody suppose de.