Steemit ကညီကိုတွေ အောင်မြင်တဲ့ ဘဝကို ပိုင်ဆိုင်နိုင်ကြပါစေ

naung (38)in #myanmar • 7 years ago

အောင်မြင်ပြီး ချမ်းသာချင်တယ်ဆိုရင် လုပ်ဆောင်သင့်တဲ့ အလေ့အကျင့်(၂၁)ခု
📒📒📒📒📒📒📒📒📒📒

အောင်မြင်သူတိုင်းမှာ သာမန်လူတွေနဲ့ မတူညီတဲ့ အလေ့အကျင့်တွေရှိပါတယ်။ ဒီအလေ့အကျင့်တွေနဲ့ နေ့စဉ်ရှင်သန်နေထိုင်နေတာကြောင့်ပဲ သူတို့ဟာ အောင်မြင်လာတာဖြစ်ပါတယ်။ ဒါကြောင့် ကျနော်မိတ်ဆွေတွေအနေနဲ့လည်း အောင်မြင်မှုနဲ့ ငွေကြေးချမ်းသာမှုကို ရယူနိုင်ဖို့အတွက် အောင်မြင်သူတွေရဲ့ အလေ့အကျင့်တွေရှိသင့တယ်လို့ထင်ပါတယ်။ ဒီအတွက် အောင်မြင်မှုနဲ့ ငွေကြေးချမ်းသာမှုကို ဆောင်ကျဉ်းပေးနိုင်မယ့် အလေ့အကျင့်(၂၁)ခုကို ကျနော်ဖတ်မိထားသလောက်ပြန်လည်ဖော်ပြလိုက်ပါတယ်။ ကျနော်ဖော်ပြပေးတာကိုကြည့်ပြီး ကျတော့် steemit ကလူငယ်တွေ အောင်မြင်မူ ပန်းတိုငိကို အနည်းဆုံးတစ်ယောက်ရောက်သွားရင်ဘဲ ကျေနပ်ပါတယ်။

၁။ နေ့စဉ်အလေ့အကျင့်ကောင်းတွေ ပျိုးထောင်ပါ။

အလေ့အကျင့်ကောင်းတွေဟာ ချမ်းသာကြွယ်ဝလာစေဖို့ အခြေခံကျပါတယ်။ အောင်မြင်သူတွေနဲ့ မအောင်မြင်သူတွေကြားထဲက အဓိက ကွဲပြားခြားနားချက်က နေ့စဉ်အလေ့အကျင့်ကောင်းတွေ ရှိတာနဲ့ မရှိတာပဲ ဖြစ်ပါတယ်။ ဒ့ါကြောင့် အကျင့်ဆိုးတွေကို ဖျောက်ဖျက်ပြီး အလေ့အကျင့်ကောင်းတွေကို ပျိုးထောင်ပါ။

မိတ်ဆွေတို့ရဲ့အကျင့်ဆိုးတွေအားလုံးကို စာရွက်တစ်ရွက်ပေါ်မှာ ချရေးလိုက်ပါ။ အကျင့်ဆိုးတစ်ခုခြင်းစီရဲ့ ဘေးမှာ ဘယ်လိုပြုပြင်မယ်ဆိုတာကို ချရေးပါ။ ပြီးရင် အချိန်တစ်လလောက်ပဲ ဂရုစိုက်ပြီး ပြုပြင်ပါ။ အများကြီး တိုးတက်ပြောင်းလဲလာတာကို တွေ့ရပါလိမ့်မယ်။

၂။ ရည်မှန်းချက်ပန်းတိုင်တွေ ပုံမှန်ချမှတ်ထားပါ။

အောင်မြင်သူတိုင်းဟာ ရည်မှန်းချက်နဲ့ ရှင်သန်နေကြတာဖြစ်ပါတယ်။ သူတို့အတွက် ရည်မှန်းချက်တစ်ခုမဟုတ် တစ်ခုရှိနေမှာအသေအချာပါဘဲ။ သူတို့အားလုံးက နောက်တစ်နေ့စာအတွက်ကို ဒီနေ့ညကတည်းက အလုပ်စာရင်းရေးဆွဲစီစဉ်ပြီးသား ဖြစ်ပါတယ်။ သူတို့က ရည်မှန်းချက် ချမှတ်ထားရုံတင်မဟုတ်ပါဘူး။ လက်တွေ့အကောင်အထည်ဖော်နိုင်ဖို့ နည်းလမ်းတွေကိုပါ စဉ်းစားပြီး တာဝန်ယူလုပ်ဆောင်လေ့ရှိပါတယ်။

၃။ နေ့စဉ် ကိုယ်ရည်ကိုယ်သွေးတိုးတက်ဖို့ လုပ်ဆောင်ပါ။

အောင်မြင်သူတိုင်းဟာ နေ့စဉ်နဲ့အမျှ တိုးတက်လာဖို့ ကြိုးစားနေတတ်ကြပါတယ်။ နေ့တိုင်း စာဖတ်လေ့ရှိပြီး သက်ဆိုင်ရာလုပ်ငန်းနယ်ပယ်အလိုက် လိုအပ်တဲ့ပညာရပ်တွေကို လိုက်စားလေ့ရှိပါတယ်။ သူတို့ရည်မှန်းချက်ကို အထောက်အကူမပြုတဲ့ အလုပ်တွေအတွက် အချိန်ဖြုန်းလေ့မရှိပါဘူး။ သူတို့ အသိပညာဗဟုသုတတွေ တိုးတက်လာစေမယ့် နည်းလမ်းတွေကို ရှာဖွေပါတယ်။ အသိပညာတွေ တိုးပွာလာတာနဲ့ အခွင့်အလမ်းတွေလည်း ပေါ်ပေါက်လာမှာဖြစ်ပါတယ်။

၎။ ကျန်းမာရေးကို ဂရုစိုက်ပါ။

ကျန်းမာရေးနဲ့ ညီညွတ်တဲ့ စားသောက်နေထိုင်မှုပုံစံရှိဖို့ အရေးကြီးပါတယ်။ ဒါ့အပြင် နေ့တိုင်းရေချိုးသလိုပဲ နေ့တိုင်း တစ်နေ့ကို မိနစ်(၃၀)လောက် ကိုယ်လက်လှုပ်ရှားလေ့ကျင့်ခန်းလုပ်ဖို့ လိုပါတယ်။

၅။ လူမှုဆက်ဆံရေးတည်ဆောက်ဖို့ အချိန်ပေးပါ။

အောင်မြင်သူတိုင်းဟာ မိတ်ဆွေအပေါင်းအသင်းဆက်ဆံရေး၊ မိသားစုဆက်ဆံေ၇းကို ခိုင်မာအောင် တည်ဆောက်ဖို့ အချိန်ပေးတတ်ကြပါတယ်။ လူမှုဆက်ဆံရေးကွန်ယက်ကို ချဲ့ထွင်ဖို့ကို အချိန်တိုင်း လုပ်ဆောင်နေတတ်ကြပါတယ်။ လူမှုဆက်ဆံရေးကောင်းဖို့အတွက် အရင်ဆုံး လူတွေရဲ့အမည်တွေကို မှတ်မိနေအောင် လေ့ကျင့်ပါ။

၆။ ဟန်ချက်ညီအောင် လုပ်ဆောင်ပါ။

ဘာပဲလုပ်လုပ် ဟန်ချက်ညီနေဖို့လိုပါတယ်။ အလုပ်၊ အစား၊ လေ့ကျင့်ခန်း၊ ယမကာမှီဝဲတာ၊ တီဗီကြည့်တာ၊ အင်တာနက်အသုံးပြုတာက အစ ဘာကိုပဲလုပ်လုပ် အစွဲအလမ်းမကြီးပဲ ပုံမှန်လောက်သာ လုပ်ဆောင်တတ်ဖို့ လိုပါတယ်။

၇။ လုပ်စရာရှိတာကို ပြီးအောင်လုပ်ပါ။

ဒီနေ့လုပ်လို့ရတဲ့ကိစ္စကို မနက်ဖြန်ကို မရွှေ့ပါနဲ့။ ပြီးအောင်လုပ်ဆောင်ပါ။ အောင်မြင်သူတိုင်းက အချိန်ရွှေ့ဆိုင်းလေ့မရှိပါဘူး။ အရေးကြီးတာမှန်သမျှကို ရတဲ့အချိန်မှာ ပြီးအောင်လုပ်ဆောင်တတ်ကြပါတယ်။

၈။ အပြုသဘောဆောင်တဲ့ အမြင်ရှိပါစေ။

လက်ရှိအောင်မြင်နေတဲ့သူတွေထဲက မိတ်ဆွေတို့သိတဲ့ပုဂ္ဂိုဟ်တစ်ယောက်အကြောင်း စဉ်းစားကြည့်ပါ။ အကောင်းမြင်စိတ်နဲ့ အဆိုးမြင်စိတ် ဘယ်ဟာပိုများပါသလဲ။ အောင်မြင်သူအများစုဟာ အကောင်းမြင်စိတ်ရှိပြီး၊ စိတ်အားထက်သန်သူတွေဖြစ်ကြပါတယ်။ နေ့စဉ်နဲ့အမျှ လူတိုင်းဟာ သတင်းဆိုးတွေ၊ အဖျက်သတင်းတွေနဲ့ ကြုံတွေ့သိရှိနေကြရတဲ့အတွက် အဆိုးမြင်စိတ်တွေ များလာတတ်ပါတယ်။ အောင်မြင်သူတွေကတော့ သူတို့စိတ်မှာ အပြုသဘောဆောင်တဲ့ စွမ်းအင်တွေကိုပဲ ကိန်းအောင်နေစေပါတယ်။

၉။ ပုံမှန် ပိုက်ဆံ စုပါ။

အောင်မြင်သူတိုင်းဟာ အသားတင်ဝင်ငွေထဲက (၁၀)ရာခိုင်နှုန်းကနေ (၂၀)ရာခိုင်နှုန်းအထိကို စုဆောင်းကြ၊ ရင်းနှီးမြုပ်နှံကြပါတယ်။ ဒီလောက်အထိ မစုနိုင်ရင်လည်း တတ်နိုင်သလောက်ပမာဏကို ပုံမှန်စုဆောင်းထား သင့်ပါတယ်။

၁၀။ ကန့်သတ်ချုပ်ချယ်သည့် အတွေးများကို ဖျောက်ဖျက်ပါ။

အောင်မြင်သူတွေဟာ သူတို့ရဲ့အတွေးနဲ့ စိတ်ခံစားမှုတွေကို ထိန်းချုပ်နိုင်စွမ်းရှိပါတယ်။ မကောင်းတဲ့ အတွေးတွေ ၀င်လာပြီဆိုတာနဲ့ စိုးရိမ်ခံစားနေလေ့မရှိပဲ ရှင်းထုတ်ပစ်လေ့ရှိပါတယ်။ သူတို့ရဲ့ အတွေးတိုင်းက အပြုသဘောဆောင်လေ့ရှိပါတယ်။ ဒါ့အပြင် အောင်မြင်သူတိုင်းဟာ နေ့စဉ်နဲ့အမျှ တိုးတက်မှုရှိဖို့ ကြိုးစားနေတတ်တာကြောင့် သူတို့ရဲ့အတွေးမှန်သမျှကို အပြုသဘောဆောင်တဲ့အကြောင်းအရာတွေ လွှမ်းမိုးနေလေ့ရှိပြီး မကောင်းတဲ့ခံစားမှုတွေအတွက် အချိန်မပေးနိုင်ကြပါဘူး။

၁၁။ အတိုင်းအတာအတွင်းမှာ ရှင်သန်ပါ။

လူချမ်းသာတွေက လိုတာထက်ပိုပြီး အလွန်အကျွံသုံးစွဲလေ့မရှိပါဘူး။ ငွေကြေးအတွက် ရုန်းကန်နေကြရသူတွေပဲ ကိုယ်ရှာနိုင်တာထက် ပိုပြီး သုံးနေလေ့ရှိပါတယ်။

၁၂။ နေ့တိုင်း စာဖတ်ပါ။

အောင်မြင်သူအများစုဟာ တစ်နေ့မှာ မိနစ်(၃၀)နဲ့အထက် စာဖတ်လေ့ရှိပါတယ်။ စာဖတ်ခြင်းဟာ သင့်ရဲ့ အသိပညာဗဟုသုတတွေကို တိုးတက်လာစေနိုင်သလို ကိုယ်ရည်ကိုယ်သွေးကိုလည်း တိုးတက်လာစေနိုင်ပါတယ်။

၁၃။ တီဗီကြည့်ချိန်ကို ကန့်သတ်ပါ။

အောင်မြင်သူတိုင်းဟာ တီဗီကလာတဲ့ ရုပ်သံအစီအစဉ်တွေကို အကန့်အသတ်နဲ့ပဲ ကြည့်တတ်တယ်ဆိုတာကို သင်သိပါသလား။ သူတို့ဟာ တစ်နေ့ကို အများဆုံး(၁)နာရီလောက်ပဲ တီဗီကြည့်လေ့ရှိပါတယ်။ တီဗီရှေ့မှာ ထိုက်ကြည့်ရင် ကုန်ဆုံးသွားတဲ့အချိန်တွေကို အကျိုးရှိတာတစ်ခုခုအတွက် အသုံးချနိုင်တယ်ဆိုတာကို သတိချပ်ပါ။

၁၄။ လိုတာထက် ပိုလုပ်ပါ။

အောင်မြင်သူတွေဟာ သတ်မှတ်ထားတဲ့ တာဝန်ထက်ပိုပြီး လုပ်ဆောင်တတ်ကြပါတယ်။ သူတို့အတွက် သတ်မှတ်ထားတဲ့ အလုပ်မဟုတ်ရင်တောင်မှ ၀င်လုပ်ပေးတတ်ကြပါတယ်။ သင်က လုပ်ငန်းရှင်တစ်ယောက် ဖြစ်ခဲ့မယ်ဆိုရင်တော့ သင့်ရဲ့ဖောက်သည်တွေအတွက် ဘာတွေကိုအပိုဆောင်းလုပ်ပေးနိုင်မလဲဆိုတာကို စဉ်းစားပါ။

၁၅။ နည်းနည်းပဲပြောပြီး များများ နားထောင်ပါ။

နားထောင်တတ်ရင် ပညာရပါတယ်။ လူတွေမှာ နားနှစ်ဖက်နဲ့ ပါးစပ်တစ်ပေါက်သာ ပါတဲ့အတွက် များများနားထောင်ပြီး နည်းနည်းပဲ ပြောရမှာဖြစ်ပါတယ်။ တဖက်သူရဲ့အပြောကို သေချာဂရုစိုက်နားထောင်ပေးတတ်မယ်ဆိုရင် အကျိုးကျေးဇူးအများကြီးရရှိမှာဖြစ်ပါတယ်။

၁၆။ အရှုံးမပေးပါနဲ့။

အခက်အခဲတွေ ကြုံလာချိန်မှာ အလွယ်တကူအရှုံးမပေးလိုက်ပါနဲ့။ အောင်မြင်သူတွေက အခက်အခဲကြုံလာရင် ဇွဲသတ္တိရှိရှိ ကြံ့ကြံ့ခံပြီး တစ်နည်းမဟုတ် တစ်နည်းနဲ့ ကျော်ဖြတ်ကြပါတယ်။

၁၇။ စိတ်တူကိုယ်တူတွေနဲ့ ပေါင်းပါ။

သင်ပေါင်းသင်းတဲ့ မိတ်ဆွေအပေါင်းအသင်းတွေကို ကြည့်ပြီး သင် ဘယ်လိုလူမျိုးလဲဆိုတာ ပြောလို့ရပါတယ်။ လူတွေဟာ သူတို့ပတ်ဝန်းကျင်မှာ ၀န်းရံထားတဲ့ အသိုင်းအ၀ိုင်းရဲ့ အောင်မြင်မှုလောက်ပဲ အောင်မြင်ကြတာဖြစ်ပါတယ်။ အပေါင်းအသင်းကောင်းတွေက သင့်ရဲ့ရည်ရွယ်ချက်တွေကို ပြီးမြောက်အောင်မြင်အောင် ကူညီပေးနိုင်ပါတယ်။ ဒါ့ကြောင့် သိမ်းငှက်လို ကောင်းကင်မှာ ပျံဝဲနေချင်ရင် ဘဲတွေနဲ့ ရေကူးနေလို့ မဖြစ်ပါဘူး။

၁၈။ အတိုင်ပင်ခံဆရာသမားတစ်ယောက်ရှာပါ။

အတွေ့အကြုံပိုရှိပြီး လမ်းညွှန်ပေးနိုင်တဲ့ ဆရာသမားတွေက သင့်ရဲ့ရည်မှန်းချက်တွေ မြန်မြန်အကောင်အထည်ပေါ်လာဖို့ ကူညီပေးနိုင်ပါတယ်။ သူတို့ရဲ့ အတွေ့အကြုံတွေကနေတဆင့် သင်ပြပေးမှာ ဖြစ်တဲ့အတွက် ကိုယ်တိုင်လေ့လာသင်ယူရမယ့်အချိန်ကို ထက်ဝက်လောက်အထိ လျှော့ချပေးနိုင်ပါတယ်။

၁၉။ သင့်ရဲ့ အကြောင်းရင်းကို သိထားပါ။

သင်လုပ်နေတဲ့အရာကို ဘာကြောင့်လုပ်နေတာလဲဆိုတဲ့ ရည်ရွယ်ချက် အကြောင်းရင်းခံကို သိဖို့ လိုပါတယ်။ ဒီလို သိထားမှသာ လိုချင်တာကို ရအောင်ယူဖို့၊ ဖြစ်ချင်တာကို ဖြစ်အောင်လုပ်ဖို့ တွန်းအားရှိမှာဖြစ်ပါတယ်။ စီးပွားရေးလုပ်တဲ့အခါမှာ ဒါမှမဟုတ် ဘ၀အောင်မြင်ရေးအတွက် ရည်ရွယ်ချက်ရှိဖို့ မဖြစ်မနေလိုအပ်ပါတယ်။ သင် ဘာကြောင့် အောင်မြင်ချင်တာလဲ၊ သင်ဘာကြောင့် ချမ်းသာချင်တာလဲ ခိုင်လုံတဲ့အကြောင်းရင်း ရှိဖို့ လိုပါတယ်။

၂၀။ စိုးရိမ်စိတ်ကို ရှေ့တန်းမတင်ပါနဲ့။

လူတိုင်းမှာ စိုးရိမ်စိတ်ရှိကြပါတယ်။ အောင်မြင်သူတွေကတော့ သူတို့ရဲ့ စိုးရိမ်စိတ်က သူတို့ကို ထိန်းချုပ်ခံလေ့ မရှိပါဘူး။ စိုးရိမ်စိတ်ဟာ အပြောင်းအလဲလုပ်ချင်စိတ်ကို ဟန့်တားပြီး တိုးတက်မှုကို ရပ်တန့်စေပါတယ်။ သင် ဘာကို စိုးရိမ်နေလဲဆိုတာ သိအောင်လုပ်ပြီး ကျော်လွန်နိုင်အောင် ကြိုးစားပါ။

၂၁။ အရည်အချင်းတွေ မြှင့်တင်ပါ။

အမြဲတမ်းရှေ့ရောက်နေချင်တယ်ဆိုရင် လုပ်စရာတစ်ခုပဲရှိပါတယ်။ နောက်တစ်နေ့မှာ ဒီနေ့ထက် ပိုပြီး တိုးတက်လာဖို့ပဲဖြစ်ပါတယ်။ နောက်လာမယ့် ရက်(၃၀)အတွင်းမှာ အကြောင်းအရာတစ်ခုတည်းကိုပဲ အာရုံစိုက် လေ့လာလုပ်ဆောင်ခြင်းဖြင့် သင်ရဲ့အရည်အချင်းတွေကို မြှင့်တင်နိုင်ပါတယ်။

#knowledge #naung