Steem မျှော်လင့်ချက်ဆီမီး ( Henry Aung )

မင်္ဂလာပါ။ ယမန်နေ့ညက 0.15$ ထက်ကျော်ရန် ခက်ခဲသည်ဟု ယူဆခဲ့သော Steem စျေးသည် USD 0.23$ အထိသို့ အမြင့်ဆုံး ရောက်ရှိသွားခဲ့ပါသည်။ ဤတကြိမ် စျေးအတက်သည် ကိုးရီယားတို့ တံခါးပိတ် ဆွဲတင်ခြင်း မဟုတ်ပဲ Binance တွင် ဖွင့်၍ ဆွဲတင်ခြင်း ဖြစ်သောကြောင့် Steem စျေး တည်ငြိမ်စွာ တက်နေသည်ဟု ယူဆနိုင်ပါသည်။

သို့သော် တခုသတိထားရမည်မှာ ဤ တကြိမ် ဆွဲတင်ခြင်းသည် ဘူဘောင်း အနေဖြင့်ကစားရန် ဆွဲတင်ခြင်း ဖြစ်နိုင်သလို Steemit ၏ လုပ်ငန်းဆောင်တာ များအား သဘောကျသောကြောင့် ရင်းနှီးသူတို့ Steem ဝယ်စုလာကြခြင်းလည်း ဖြစ်န်ုင်ပါသည်။ Binance Exchange site တခုတည်းတွင် ၂၄ နာရီဝယ်ရောင်း USD 5.5 သန်း အထိရှိခဲ့ရာ Steem စျေးကျ သွားပြီး နောက် ဤပမာဏ သည် ပထမဆုံးအကြိမ် USD သန်း ကျော်သွားခြင်း ဖြစ်ပါသည်။

အကယ်၍ ဘူဘောင်း တခု အနေဖြင့် ကစားသည်ဆိုလျင် Steem စျေးမှာ မကြာခင် ပုံမှန် ဖြစ်သော USD 0.12$ သို့ တအိအိ ပြန်လည် ကျဆင်းသွားပါလိမ့်မည်။ Binance Exchange ၏ Steem ဝယ်လိုအား ရောင်းလ်ုအား တို့အား စောင့်ကြည့်ရာတွင် ဤ တကြိမ်အတက်သည် ဘူဘောင်း အတက် ဖြစ်မည်ဟု ထင်ပါသည်။

အဘယ့်ကြောင့်ဆိုသော် Steemit အနေဖြင့် အများ စိတ်ဝင်စားနိုင်လောက်သော ကြေညာချက် ကြီးကြီးမားမား ထုတ်ပြန်ခဲ့ခြင်းမရှိပါ။ Steemit Blog အနေဖြင့် လွန်ခဲ့သော ၃ ရက်က ယခုနှစ်အတွက် ပထမဆုံး SMTs နှင့်ပတ်သက်သော post တင်ခဲ့ပါသည်။ သို့သော် SMT လွင့်တင်မည့်ရက် ကြေညာနိုင်ခြင်း မရှိသေးပါ။ ထို့ အတူ Steem Engine ကလည်း NFT ကြေညာချက်ရှိသော်လည်း Steem စျေးအား ရိုက်ခတ်နိုင်လောက်သည့် အခြေအနေမရှိပါ။

အဘယ့်ကြောင့် ကျွန်တော့ အနေဖြင့် ဘူဘောင်းဟု အထင်ရှိရသနည်းဆိုသော် လွန်ခဲ့သော ၂၄ နာရီ အတွင်း Coinmarketcap ၏ ဝယ်လိုအား ရောင်းလိုအား အမြင့်ဆုံး Coin / token အခု ၃၀ တွင် Steem သည် USD သန်း ၂၀ ဖြင့် အများဆုံး ဝယ်ရောင်းတွင် နေရာယူထားသောကြောင့် ဖြစ်ပါသည်။

ဘူဘောင်း ဟူသော ကျွန်တော့ အထင် မှားမည်ဟု ယုံကြည်ပါသည်။ အခြားတဖက်ကပြောရလျင် ကျွန်တော်တို့ အားလုံးသိပြီး ဖြစ်သည့်အတိုင်း SMT ကို မျှော်လင့်လျက်ရှိပါသည်။ SMT ၏ ရိုက်ခတ်မှုသည် Steem အပေါ်မည်မျှ အကျိုးသက်ရောက်နိုင်သည် ဆိုသည့် အပေါ်စောင့်စားလျက်ရှိပါသည်။

အကယ်၍ သင်သည် Steemit Developers အသင်း၏ အဖွဲ့ဝင်တယောက်ဖြစ်၍ SMT ၏ အကျိုးသက်ရောက်မှုသည် Steem အပေါ်သေချာပေါက် အကျိုးကျေဇူး ကြီးကြီးမားမား ရှိမည် ဖြစ်ကြောင်း ကြိုသိလျင် သင်ဘာလုပ်မည်နည်း။ ဟုတ်ကဲ့။ လူသား ဖြစ်သည့် အတိုင်း လောဘရှိသော ကြောင့် Steem ရနိုင်သမျှ များများဝယ်စုရန် ကြိုးစားမည် ဖြစ်ပါသည်။

ထို့ကြောင့် ဤ တကြိမ် Steem အတက်သည် ဘူဘောင်း လော , ရင်းနှီးမြုပ်နှံခြင်းလော ဆိုသည်ကိုတော့ စောင့်ကြည့်ရမည် ဖြစ်ပါသည်။ ကျွန်တော် Binance တွင် Steem စျေးအား စောင့်ကြည့်ရာတွင် ၅၀ , ၁၀၀ , ၅၀၀ , ၁၀၀၀ ဟူ၍ အကြိမ်အရေတွက် များစွာဖြင့် ဆွဲတင်သော်လည်း စျေးအကျ ဆွဲချရာတွင် ၅၀၀၀, ၁၀၀၀၀ ဟူ၍ ဆွဲချသွားတတ်သည်ကို တွေ့ရပါသည်။

အကယ်၍ သင်သည် Cryptocurrency Trading လုပ်နေသူ တယောက်ဖြစ်လျင် ဤသို့သော အခြေအနေအား မည်သို့ထင်မြင်ချက် ပေးမည်နည်း။ သို့မဟုတ် သင်သည် Steem အရေအတွက် ၅ သန်းခန့်အား အနည်းဆုံး စျေးပေး၍ ဝယ်လိုလျင် မည်သို့ ဝယ်မည်နည်း ။ Steem ဆီမီး နောက်တကြိမ် တောက်ပလာမည်လား ဆိုသည်ကိုတော့ စိတ်ဝင်စားစွာ စောင့်ကြည့်ရမည် ဖြစ်ပါသည်။

Author : Henry Aung ( Kachin )
MSC : 001