မြတ်နိုးခြင်း ကုဋေကုဋာ ♥ ♥ ♥ ♥ ♥ ♥ ♥ ♥ ♥

မြတ်နိုးခြင်း ကုဋေကုဋာ
♥ ♥ ♥ ♥ ♥ ♥ ♥ ♥ ♥

အဲ့ဒီ့နေ့..... ။

အဲဒီ့နေ့က ပိုးချို နဲ့ ဒေါက်တာနဲ့ စတွေ့တဲ့နေ့.... ။

" ဘာ !!!! မင်း ဘာစကားပြောလိုက်တယ်.... "

လုံးဝဟန်မဆောင်နိုင်ပဲ သိသိသာသာကို
ရုပ်ပျက်ဆင်းပျက်ဖြစ်သွားတဲ့ သူရဇော် ကိုကြည့်ပြီး
သူ ခပ်လှောင်လှောင် တစ်ချက်ပြုံးသည်.... ။

သူ့ဟန်ပန်က ကျေနပ်မှုအပြည့်နှင့်.... ။

ပြီးမှ သူရဇော် ကို အေးစက်စက်လေသံနဲ့.....

" လမ်းခွဲစကားပြောတာလေ....
နားမရှင်းလိုက်လို့လား.... ဒါမှမဟုတ်
ထပ်ကြားချင်သေးလို့လား... "

" တောက် !!! ယွန်းခတ်ပိုး
မင်း..မင်းကွာ....တကယ့် ဖျက်ပိုး ပဲ.... "

" အဟတ်.... အဲ့ဒီ့ ဖျက်ပိုး ဆီမှာရှိတဲ့
ပိုင်ဆိုင်မှုတွေပဲ မက်မောနေကြပြီးတော့.... "

ပိုးချို မျက်နှာထားက ရယ်ရာမှ တည်လာသည်..။
ပြီး... နာကျည်းမှုတွေပြည့်နှက်နေတဲ့လေသံနဲ့....

" ဖျက်ပိုး ဘဝရောက်အောင် ဘယ်သူတွေက
ရှေ့ဆောင်လမ်းပြလုပ်ခဲ့တာလဲ... ဟမ်...
ပြောစမ်းပါဦး....နင်တို့တွေပဲ သင်ပြပေးခဲ့တာလေ...
နင်တို့တွေပဲ ငါ့ကို အဲ့ဒီဘဝရောက်အောင်တွန်းပို့ပေးခဲ့
တာ မဟုတ်ဘူးလား.... ဖြေလေ... ပြန်ဖြေလေ... "

မီးတဝင်းဝင်းတောက်နေတဲ့ မျက်ဝန်းတွေနဲ့
စိုက်ကြည့်ရင်း သူ့ကိုလက်ညှိုးငေါက်ငေါက်ထိုး
ပြောနေတဲ့ ယွန်းခတ်ပိုး ဆီကို သူရဇော် ခလုတ်ဓါး
ဖွင့်ပြီး ပြေးဝင်လာသည်.... ။

"" ယားးး....စ်..... ဝှစ်....
ဒုတ်.... အ.... """

သူရဇော် ရဲ့ ဓါးကိုင်ထားတဲ့လက်လိမ်ချိုးခံရပြီး
မျက်နှာတစ်ခြမ်း ကတ္တရာလမ်းနဲ့ မိတ်ဆက်သွားသည်.... ။

"" နင်တို့လောက်တော့ ငါဆိုတဲ့မိန်းမက မှုကိုမမှုတာ... ""

သူပြောချင်တာပြောပြီးလှည့်ထွက်သွားတဲ့
ယွန်းခတ်ပိုး ကို အံကြိတ်ပြီးသာ ကြည့်နေလိုက်ရသည်... ။

နောက်တစ်ခါတော့ မဟုတ်တာမကြံရဲ... ။
ယွန်းခတ်ပိုး လက်ဆဘယ်လောက်ပြင်းမှန်း
သူ ကျိုးသွားတဲ့ သွားနှစ်ချောင်းကိုကြည့်ပြီး
ခန့်မှန်းမိသည်လေ.... ။

"" နေနှင့်ဦးပေါ့ ယွန်းခတ်ပိုး ရယ်.... ""

သူရဇော် အံကြိတ်သံနဲ့ဆိုလိုက်ပြီး
အိမ်ပြန်ဖို့အတွက် ကားပေါ်တက်လိုက်တော့
ကားသော့ကရှိမနေတော့.... ။

အတွေးထဲ ဖျက်ကနဲဝင်လာတာက
ယွန်းခတ်ပိုးး.... ။

""" ယွန်းးး.... ခတ်..... ပိုးးးး..... """

သူ စိတ်ရှိလက်ရှိ အသားကုန်ကြုံးအော်လိုက်တော့သည်.... ။

                ♥ ♥ ♥ ♥ ♥ ♥ ♥ ♥ ♥ ♥ 

""" အဟားးး... ငါ့များ ဓါးနဲ့ထိုးဦးမယ်တဲ့....
ဒီလောက် မိန်းကလေးတန်မဲ့ တစ်ယောက်ထဲ
ကမ္ဘာပတ်ခရီးသွားနေတဲ့သူက ကိုယ်ခံပညာလေးတော့
မသင်ထားပဲနေပါ့မလား... ရူးပါ့.... """

ပြောပြောဆိုဆို လက်ထဲ အမှတ်မဲ့ပါလာတဲ့ သူရဇော် ရဲ့
ကားသော့ကို လွှင့်ပစ်လိုက်သည်.... ။

""" ဒေါက်....ကလွင်... လွင်... လွင်.... """

ဖျက်ပိုး တဲ့...... ။
ဒါက သူမကို အများစုပေးထားတဲ့နာမည်တစ်ခု.... ။

အဲ့ဒီ့နာမည်ကို သူ အရမ်းမုန်းပါသည်... ။
နာမည်ကိုသာမက... အဲ့ဒီ့နာမည်ပေးခဲ့တဲ့ ဖေဖေ...
ဖေဖေ့ရဲ့အမေ ဘွားမြင့်... သူတို့ကိုပါ
ယွန်းခတ်ပိုး အရမ်း မုန်းသည်.. ။

ခုဆို ယွန်းခတ်ပိုး လို့ခေါ်ရင်တောင် သူ့နားထဲ
ယွန်းဖျက်ပိုး လို့သာ ကြားနေမိတော့သည်လေ.... ။

သူက ယောက်ျားလေးတွေကို ပျက်စီးစေသည်တဲ့... ။
သူတို့ အမျိုးကောင်းသားလေးတွေရဲ့ ဘဝကို ယွန်းခတ်ပိုး
က ဖျက်ဆီးနေတာတဲ့... ။
ပတ်သက်မိရင် လူကိုသာမက ပိုင်ဆိုင်သမျှ စည်းစိမ်တွေကိုပါ
ဆုံးရှုံးစေတဲ့သူတဲ့.... ။

သူတို့ပဲပြောပြီး သူတို့ကိုယ်တိုင်ပဲ သူတို့ရဲ့အဖိုးတန်သားတွေကို
ယွန်းခတ်ပိုး နဲ့ ငြိစွန်းစေချင်နေကြပြန်သည်.... ။

သူတို့ရဲ့ သူတစ်ပါးစည်းစိမ် အချောင်လိုချင်စိတ်....
မတော်လောဘတွေအတွက်ပေါ့လေ.... ။

"" တစ်သက်လုံးအတွက်ပါတဲ့....
ကိုယ့်ကို ယုံကြည်ပါတဲ့... အဟတ်.. ဟားး.... ""

စိတ်ကူးတည့်ရာ လျှောက်သွားရင်း နှုတ်ခမ်းပါးတွေကလဲ
အစီစဉ်မကျတဲ့ စကားတွေဆိုနေသေးသည်.... ။

ညနက်နက်ရဲ့
ပျက်တစ်ဝက် လင်းတစ်ဝက် နီယွန်မီးတွေအောက်မှာ
သူ့ဆံပင်တွေ ဖရိုဖရဲလွင့်နေသည်က အရိုင်းဆန်စွာ.... ။
မိုးကလဲ ခုမှ တဖွဲဖွဲ ကျလာမေသည်.... ။

လမ်းဘေးဆင်းလျှောက်နေရာမှ နောက်က
ကားမီးရောင်ကြောင့် နောက်ကိုအသာငဲ့ကြည့်လိုက်သည်... ။

" ရှေ့တစ်ပွဲက ဂိမ်းအိုဗာ ဖြစ်သွားပြီဆိုတော့
နောက်တစ်ပွဲပေါ့.... အိုခေလေ... "

ပြောပြောဆိုဆို အရှိန်နဲ့လာနေတဲ့ ကားလေး
သူ့အနားရောက်မှ ကားရှေ့ပြေးဝင်လိုက်တော့သည်.... ။

""" ကျွီ......အီ....""""

ကားဘရိတ်အုပ်သံ.... ကားဘီးနဲ့ ကတ္တရာလမ်းရဲ့
ပွတ်တိုက်သံတို့ကို ခပ်ကျယ်ကျယ်လေးကြားလိုက်ရသည် ။

                ♥ ♥ ♥ ♥ ♥ ♥ ♥ ♥ ♥ ♥ 

"" မိန်းကလေး.... မိန်းကလေး.... ရရဲ့လား.... ""

သူ့လက်မောင်းကို အတင်းဆုပ်ကိုင်မေးနေတဲ့
ကားမောင်းသူရဲ့ လက်ကို တွန်းဖယ်လိုက်ရင်းး....

" ရတယ်... ဘာမှ မဖြစ်ဘူး... "

" ဟူးးး.... တော်သေးတာပေါ့...
ကိုယ်က တိုက်မိပြီထင်သွားတာ....ဒါနဲ့
မင်း နဖူး... "

သူပြောမှ ကိုယ့်နဖူးကိုယ် လက်နဲ့ပြန်စမ်းကြည့်မိသည်... ။

" သွေးတွေပဲ ... "

" ရော့.... ဒါလေးခနဖိထားလိုက်....
ကျွန်တော် ခုချက်ချင်း ဆေးခန်းလိုက်ပို့ ပေးမယ်... "

အင်္ကျီအိပ်ကတ်ထဲက ထုတ်ပေးလာတဲ့ လက်ကိုင်ပုဝါလေး
ကို နဖူးထိပ်မှာ အသာဖိကပ်လိုက်ပြီး....

""ဆေးခန်းမပို့ နဲ့.... ဆေးရုံလိုက်ပို့.... ""

ကားမောင်းသူ အကူအညီနဲ့ပဲ ပိုးချို ကားပေါ်ရောက်ရသည်... ။

ခြေထောက်တစ်ဖက်ကလဲ ခုမှအတော်နာလာပြီး
ခြေချင်းဝတ်ဆို ရောင်တောင်ရောင်လာနေပြီ.... ။

"ခနလေးနော်... ကိုယ် ဆေးရုံကို
အမြန်ဆုံးရောက်အောင်ပို့ ပေးမယ်"

ယွန်းခတ်ပိုး... ထိုသူ့ ကို တစ်ချက်စောင်းငဲ့ကြည့်လိုက်တော့
ထိုသူက ကားမောင်းနေရင်းက လှမ်းပြုံးပြသည်.... ။

တကယ်ဆို သူ့ကားရှေ့ တမင်ဝင်ပြီး အတိုက်ခံတာ
အသိသာကြီးပဲလေ.... ။သူ သတိကောင်းလို့သာ
ဆိုးဆိုးရွားရွားကြီးဖြစ်မသွားတာ... ။
အခု နဖူးပေါက်သွားတယ်ဆိုတာကလဲ
ကားနဲ့ပွတ်မိယုံပွတ်မိပြီး အရှိန်နဲ့လဲကျသွားလို့သာ.... ။

ဒါကို ဘာကြောင့်များ သူ့ကို အရေးတယူ
ဆေးရုံတွေဘာတွေ လိုက်ပို့ပေးနေပါလိမ့်.... ။

ရိုးသားစွာလား... ယွန်းခတ်ပိုး ရဲ့ကစားပွဲထဲက
သားကောင်တွေလို ရယူလိုမှု တစ်ခုခုအတွက်လားး... ။

ကိုယ့်အတွေးနဲ့ကိုယ် ခေါင်းတွေမူးလာပြီး
ခနမှေးနေလိုက်တော့သည်.... ။

                ♥ ♥ ♥ ♥ ♥ ♥ ♥ ♥ ♥ ♥ 

" မိန်းကလေး... ဆေးရုံရောက်ပြီ...
ထတော့.... "

ယွန်းခတ်ပိုး မျက်လုံးဖွင့်ကြည့်လိုက်တော့
မီးတွေလင်းထိန်နေတဲ့ ဆေးရုံကြီးကို
အထင်းသားလှမ်းမြင်လိုက်ရသည်.... ။

" တော်ပြီ.... ဆေးခန်းပဲလိုက်ပို့ ပေးတော့... "

ထိုသူက ဘာမှမပြောဘဲ ဆေးခန်းတစ်ခုဆီသို့
ဦးတည်ပြီး ခရီးဆက်ချေသည်.... ။ ခနကြာမှ....

" ကဲ.... ဆေးခန်းရောက်ပြီ.... "

ယွန်းခတ်ပိုး... သူ့အကူအညီနဲ့ပဲ ဆေးခန်းထဲ
ဝင်ရပြန်သည်.... ။
ကံကောင်းစွာနဲ့ပဲ ဆေးခန်းမှာလူရှင်းနေခဲ့ပါသည်... ။

" ဟာ... ဒေါက်တာ ဘယ်လိုဖြစ်.... "

" ကိုယ့်အသိပါကွယ်....
ကားနဲ့ နည်းနည်းပွတ်မိသွားလို့... အဲ့ဒါ.... "

ဒေါက်တာတဲ့လား.... ။
ထိုသူက ဒေါက်တာတဲ့လား.... ။

အသားလတ်လတ်... အရပ်ရှည်ရှည်
ဒေါင်ကောင်းကောင်းနဲ့ ထိုသူက ဒေါက်တာတဲ့လား... ။

အဲ့ဒါကြောင့် သူ့မျက်ဝန်းမှာ နွေးထွေးရိပ်တွေ
စွန်းထင်နေရတာလားးး.... ။

တစ်ယောက်ထဲ အတွေးများနေသူကတော့
ယွန်းခတ်ပိုး ရယ်ပါ.... ။

" ရရဲ့လား ပိုး... ခေါင်းမူးနေလား....
ခြေထောက်ရော ထောက်နိုင်ရဲ့လား.... "

" ရတယ်.... နဖူးသာ အမြန်ချုပ်ပေး... "

ဒီတစ်ခါ အံသြသွားရသူကတော့ မျိုးဆွေ ဖြစ်သည်... ။

" အစထဲက အချင်းချင်း သိနေကြတာလား... "

" သိဆို... ယမင်း က ပိုး ရဲ့ မိသားစုဆရာဝန်လေ...
အဲ... ပိုး အတွက် သီးသန့်ဆရာဝန်ဆို
ပိုမှန်မလားပဲ.... "

ယမင်း.... ယွန်းခတ်ပိုး နဖူးက ဒဏ်ရာကို
ဆေးကြောသန့်ရှင်းရင်း ရှင်းပြတော့မှ သူ နားလည်တော့သည်... ။

နဖူးချုပ်ဖို့အတွက် ယမင်း ရဲ့ အကူသူနာပြုမလေး
ပြင်ဆင်ပြီးချိန်မှာတော့.....

" အစိမ်းပဲ ချုပ်မလား.... ထုံဆေးနဲ့ချုပ်မလား....
အစိမ်းချုပ်ကတော့ အနာကျက်ပိုမြန်တယ်.... "

" အစိမ်းပဲ ချုပ်ပါ.... "

ပြောပြီး မျက်လုံးမှိတ်နေသည့် ယွန်းခတ်ပိုးကို
သူ သေချာ စိုက်ကြည့်နေမိသည်.... ။

လုံးဝတစ်ချက်မတွန့် ပဲ ချုပ်ပြီးချိန်မှာတော့
ခြေထောက်အတွက် ဆေးစစ်မှုဆက်လုပ်ရသည်.... ။

" ဓါတ်မှန်ရိုက်စရာတော့ မလိုဘူးမို့ လား... "

" အင်း... မလိုဘူး ပိုး...
ခုက ခြေချင်းဝတ်လည်ရုံပဲဖြစ်တာ...ကျိုးတာ
တခြားထိခိုက်တာတွေ ဘာမှမဖြစ်ဘူး.... "

ယွန်းခတ်ပိုး လူနာခုတင်ပေါ်မှ ထရန်ပြင်လိုက်တော့
သူကပဲ အလိုက်သိစွာ ထူပေးလိုက်သည်... ။

" ကိုယ်... အိမ်ထိပြန်လိုက်ပို့ပေးဖို့လိုမလား "

" ရတယ်ဒေါက်တာ... ယမင်း ပဲ တစ်ခါတည်း
လိုက်ပို့ပေးလိုက်တော့မယ်....
ညပိုင်း ဆေးခန်းချိန်လဲ သိမ်းပြီဆိုတော့လေ... "

" အားကိုးပါတယ် ယမင်း....
ကိုယ့်ကို ခွင့်ပြုပါဦး.... "

မျိုးဆွေ ကားမောင်းထွက်သွားတဲ့အထိ
လိုက်ကြည့်နေမိပြီးမှ ကိုယ့်ကိုယ်ကို
ပြန်သတိပေးရသည်.... ။

ဒါ ကစားပွဲတစ်ခုရဲ့ အစ ဆိုပြီးတော့ပေါ့လေ..... ။

                ♥ ♥ ♥ ♥ ♥ ♥ ♥ ♥ ♥ ♥ 

ယွန်းခတ်ပိုး ကို အိမ်ပြန်လိုက်ပို့ သည့် ကားပေါ်တွင်ဖြစ်သည်၊... ။

" ခုက ဘယ်လိုဖြစ်ရတာ.... "

" ဘာကိုလဲ ယမင်း ရဲ့.."

" အက်ဆီးဒင့်ကို ပြောတာလေ.... ဘယ်လိုဖြစ်တာလဲလို့... "

" အော်... ဒီလိုပါပဲ..
ဂိမ်းအသစ်တစ်ခု စတဲ့သဘောပေါ့..... "

" အမလေး.... မယ်မင်းကြီးမရယ်...
ဒေါက်တာ့ကိုတော့ ချမ်းသာပေးလိုက်ပါ...
သူ့ခမျာ စိတ်ရင်းလေးသိပ်ကောင်းရှာတာ....
သဘောထားကလဲ ပြည့်သလားမမေးနဲ့....
သူ့ကြည့်လိုက်ရင် အမြဲတမ်း ပြုံးနေတာပဲ....
ဒီကို တာဝန်ကျတာ တစ်လမပြည့်သေးပေမယ့်
ဆေးရုံမှာလဲ ဒေါက်တာမျိုးဆွေ...
ဟိုမှာလဲ ဒေါက်တာမျိုးဆွေ... ဒီမှာလဲ ဒေါက်တာ
မျိုးဆွေ.... နေရာတကာမှာ သူမှသူ....
ဒီကြားထဲ စေတနာဆရာဝန်အဖြစ် ဆေးခန်းက
အခမဲ့ထိုင်ပေးလိုက်သေးတာ....
ဆေးဖိုးမတက်နိုင်တဲ့လူနာတွေကိုလဲ စရိတ်ခံပြီး
ဆေးရုံက တင်ပေးလိုက်သေးတယ်....
တကယ့် သူတော်ကောင်းကြီးပါ ပိုး ရယ်.... "

ကားမောင်းရင်း လက်ဟန်ခြေဟန်နဲ့
ဒေါက်တာ့ဘက်က ကူပြောရင်း ချီးမွမ်းခန်းတွေ
စွတ်ဖွင့်နေတဲ့ ယမင်း ကို ကြည့်ပြီးရယ်ချင်စိတ်ကို
မနည်းမျိုသိပ်ထားရသည်.... ။

" ကဲပါ... တော်ပါတော့ အဲ့ဒီ့ဒေါက်တာကို
ချီးမွမ်းခန်းတွေ.... ဒီမှာ နားနဲ့မဆံ့လို့
အပြင်တောင်လျှံထွက်ကုန်ပြီ.... "

ယမင်းက သူ့ကို မျက်စောင်းလေး မသိမသာထိုးရင်း....

" ဒါတောင် ယမင်း ပြောတာ အကင်းပဲ
ရှိသေးတာ.... "

" ဟုတ်ပါပြီ မမရယ်... နော်...
ကျွန်တော်မျိုးမကလဲ စလိုက်တာပါလို့....
အဲ့ဒီ့လူကြီးနဲ့ ဂိမ်းကစားဖို့
စိတ်ကူးထဲတောင်ထည့်မယဉ်ဘူး....
ရပြီလား ကဲ..."

တကယ်ပဲ ထိုဒေါက်တာဆိုတဲ့လူကြီးကို
ရင်းနီးလိုစိတ်ပေါက်မိသည်လေ.... ။
တစ်ခါလောက်လေးပဲဖြစ်ဖြစ်
အရိုးသားဆုံး.... အဖြူစင်ဆုံး ခင်မင်သိကျွမ်း
ချင်မိပါသည် ဒေါက်တာရေ... ။

" သူရဇော် နဲ့က အခြေအနေ.... "

" လမ်းခွဲလိုက်ပြီ.... ခုညတင်ပဲ.... "

ယမင်း က သူ့ကို မထူးဆန်းသလို
လှည့်ကြည့်လိုက်ရင်း.....

" သူ့ကိုတော့ ပိုး နဲ့ တကယ်လိုက်ဖက်တယ်လို့
ထင်ထားတာ.... "

" ထင်လို့ပါ ယမင်း ရယ်....
သူလဲ သူ့ရယူလိုမှု.... ယွန်းခတ်ပိုး ဆိုတဲ့
မိန်းမရဲ့ ပိုင်ဆိုင်မှုတွေအတွက် ချဉ်းကပ်ခဲ့တာ...
ဒီကလဲ သူ့ကို အနိုင်ယူလိုစိတ်... မခံချင်စိတ်တွေ
အတွက်တာ တွဲခဲ့တာ.... ခုကြည့်လေ...
လမ်ခွဲပြီးတဲ့နောက် သူ့ဆီမှာ ဘာပိုင်ဆိုင်မှုမှ
မကျန်တော့ဘူး.... ခတ်ပိုး တော့
အရမ်းကျေနပ်တာပဲ.... သိပ်ကိုကျေနပ်တယ်.... "

" ပိုး ရယ်.... "

" သူ့ကိုယ်သူ ဘယ်လောက်ပဲ နူးညံ့ချင်ယောင်
ဆောင်နေပါစေ.... အချိန်တန်တော့ သူ့ရုပ်အမှန်
ပေါ်လာတာပဲလေ.... ခတ်ပိုး ကို သူက
အသေသတ်ဖို့တောင်လုပ်ခဲ့သေးတာ ယမင်း ရဲ...
အဟွန်း... ရယ်ရတယ် သိလား...
ချော့လိုက် ခြောက်လိုက်နဲ့ ခတ်ပိုး ရဲ့ ရှယ်ယာတွေ...
ပိုင်ဆိုင်မှုတွေကို တစ်ခုချင်း တောင်းဆိုနေတာလေ...
တခြား မိန်းမဆိုရင်တော့ ရချင်ရလိမ့်မယ်....
ခတ်ပိုး ကိုတော့ လုံးဝမရဘူး....
ဘာဖြစ်လို့လဲဆိုတော့ ခတ်ပိုး ဖြစ်နေလို့ ပဲ.... "

မျက်လုံးလေးဝင့်လိုက်.... အံလေးကြိတ်လိုက်....
နာကျည်းမှုတွေ အပြည့်နဲ့ပြောနေတဲ့
ယွန်းခတ်ပိုး ကို ကြည့်ပြီး ယမင်း သက်ပြင်းသာ
ချမိပါသည်.... ။

_ _ ဒီလိုပဲ ကြုံခဲ့တဲ့လူတွေ ဘယ်လောက်တောင်များနေပြီလဲ
တနေ့နေ့မှာတော့ ပိုး လိုချင်တဲ့ အချစ်စစ်....
ပိုး တည်ဆောက်ချင်တဲ့ သာယာပျော်ရွှင်တဲ့
မိသားစုဘဝလေး တည်ဆောက်နိုင်ပါစေကွယ်..... _ _

ယွန်းခတ်ပိုး ကတော့ အဓိပ္ပာယ်မဲ့စွာ လမ်းမကြီးဘက်
ငေးနောနေလေသည်.... ။

သူ့လက်ထဲမှာတော့ သွေးတွေစွန်းထင်းနေတဲ့
ဒေါက်တာမျိုးဆွေရဲ့ လက်ကိုင်ပုဝါလေး.... ။

မျက်ဝန်းထဲမှာတော့ ဒေါက်တာ့ရဲ့ အေးချမ်းတဲ့
အမူအရာ.... ။

အတွေးထဲမှာတော့.... ဒေါက်တာက တကယ်ပဲ
ဘယ်သူ့ကိုမဆို နွေးထွေးမှုတွေပေးနိုင်ရဲ့လား.... ။

ဒါဆို သူ့အပေါ်မှာရော.... ???

ယွန်းခတ်ပိုး ဆိုတဲ့ မိန်းကလေးကိုရော
ဒေါက်တာ နွေးထွေးမှုတွေ ပေးနိုင်ပါ့မလား... ???

ခတ်ပိုး.... မျှော်လင့်မိတယ် ဒေါက်တာ....။

တနေ့နေ့မှာတော့ ခတ်ပိုး ရဲ့ဘဝ အေးချမ်းနိုင်ဖို့ကိုပေါ့.... ။

                ♥ ♥ ♥ ♥ ♥ ♥ ♥ ♥ ♥ ♥