Komunikasyon at Pagkakaintindihan, Sagot para sa malusog na relasyon!

Kung ikaw ay may katipan o asawa, dapat mo itong basahin at intindihin upang makatulong sa walang hanggang pag-ibig.

Hindi lahat ng magkasintahan ay may maayos na pakikipagsamahan dahil sa mga bagay na ating nakaugalian nang tayo ay magisa pa lamang sa buhay gaya ng pagiging matigas ang ulo, hindi nagpapatalo, at higit sa lahat ang pagiging emosyonal na pwedeng mauwi sa sakitan na nagdudulot ng mas lumalalang pag-aawayan.

Babae ako, madamdamin, selosa, ngunit mapagmahal na aking masasabi. Ibinabahagi ko lamang ang akin kaalaman base sa aking karanasan.

Mayroong nagpatibok ng aking puso na siyang nakapag pabago ng aking kaugalian. Ako ay natutong magpakumbaba at humingi ng tawad mali man o tama. Dahil para sa akin, kahit tama man o mali, ang pagibig ang nangingibabaw sa aking galit. Magpatawad ka, dahil Diyos nga nagpapatawad, bakit hindi ikaw?

Ako yung babaeng madibdibin. Masasakit na salita ay hindi ko kayang baliwalain, bakit? Dahil ako ay ma pride dati. Pakiramdam ko ay dinuduraan o tinatapakan ang aking pagkatao.
Ngunit binago ko ang lahat ng iyon. Mali man o tama, kung mahal mo, patatawarin. Mamili ka kung pakakawalan mo o tatanggapin mo?

Mayroon tayong tinatawag na "palayain mo". Ngunit iyan lamang ay dapat gawin kung isa sa inyo ay gusto ng bumitaw o sa madaling salita, hindi kana mahal. Oo masakit, pero yun ang kailangan mong gawin upang hindi kana magdusa pa ng matagal. Dahil ang relasyon ay pagbibigayan at pagmamahalan, kung isa lang sa inyo ang gumagawa nun, hindi na pagmamahal'an' ang tawag dun. Tanggalin mo yung 'an' maari pa.

Dapat kayong magbigayan sa isa't isa. Hindi porke ikaw ay babae, dapat ka nang umasa na siya lang palagi ang magbibigay sayo. Siya na palagi ang susuyo sayo. Hindi dapat ganun. Maging patas ka lalaki ka man o babae.

Kapag siya ay may nagawang hindi mo nagustuhan, makipagusap ka sa kanya upang ikaw ay malinawan. Huwag mong isipin masyado ang kanyang pagkakamali dahil siguradong may mga mas marami pa siyang bagay na nagawa na mabuti para sayo. Ayun ang mga isipin mo bago mo siya kagalitan ng sobra at mauwi pa sa hiwalayan.

Matuto kang mag sakripisyo. Ibaba mo ang iyong pride. Yan ang aking natutunan na gusto kong ibahagi sa araw na ito. Salamat.

Learn to understand and appreciate things.
Don't be "i hate you today, i love you tomorrow, so let me insult you today".