Silang mga Po-Ta (Politikong Artista)

Isa, dalawa, tatlo, aksyon!
Aksyon sa harap ng kamera o aksyon sa pagtuklas ng solusyon?
Solusyong makatotohanan, di pang telebisyon lamang
Mga politikong pang masa, bayan ba'y patuloy na aasa?
Sa mga mabulaklak na pangako, sa telebisyo'y ihahango
Sa likuran ng kamera, mga pangakong hinango'y ipapako

Patuloy bang magbubulagbulagan?
Sa mga pag arte't pag ngiting puno ng kababalaghan?
Sa mga pagiyak at pagtawang walang kabuluhan?
Sa mga adbertismong walang kahulugan?
Sa mga proyektong walang katuturan?

Bayan kong sinta, kailan ba matututo?
Sa mga pag arte'y tayo'y wag mauto

Sa pagpili ng lider, tayo'y maging alista
Maging mapanuri sa pagpili sa balota
Baka tayo'y mabiktima nilang mga pota