Nakasasama Mo Pa Rin Bang Mamalengke Ang Nanay Mo Kahit May Sariling Ka Ng Pamilya?

Nakapagtapos ka na ng iyong pag-aaral, biniyayaan ng magandang trabaho, nakatagpo ng mamahalin sa buhay at nakapagpasyang magpakasal at ngayon ay may sarili ka ng pamilya na binubuhay.

Pero...

Naaalala mo pa ba noong ikaw ay musmos pa at kasa-kasama ka ng iyong nanay o tatay saan man sila magpunta. Lalong-lalo na sa palengke. Dito naiintriga ka, siyempre maliit ka pa noon at hindi mo pa alam kung bakit ka kasama ng nanay mo. Pero kahit paano namamangha ka sa mga nakikita mo sa loob at labas ng palengke. Ito ang unang pagkakataong kasama mo ang nanay mo. Nariyang maririnig mo siyang nagtatanong ng presyo ng bibilhin niya tulad ng isda, karne, gulay, at iba pa. Dito mo rin naririnig sa kanya ang tumawad sa kanyang pinamimili at nagtataka kang ano ang tawad na iyon samantalang wala namang kasalanan ang nanay mo sa tindera!

Kapag nagawi naman kayo ng nanay mo sa fruit stand ay tuwang-tuwa kasi naroon ang paborito mong prutas at hihilain mo ang laylayn ng palda ng nanay mo at magtatanong ka kung puwedeng makabili ng paborito mong prutas. "Tingnan ko anak kung may budget pa." sabi ni nanay. At kapag nagawi pa kayo ng nanay mo sa gulayan ay kitang-kita sa mata mo ang saya na ang paborito mong kalabasa ay kay sarap tingnan at muli magtatanong ka sa nanay mo. "'Nay puwede kaya, 'nay kalabasa?" tanong mo sa nanay mo. Tumingin ang nanay mo sa kanyang pitaka at napangiti. "O, sige anak, bili tayo basta kaya ng budget." masayang balita ng nanay mo. "Salamat po, 'Nay!" magalak mong pagsagot!

Ang isa sa mga karanasang iyon ay nakakamiss lalo na't nagsisipagtadaan na kayong magkakapatid at saan nga rin ba pupunta ang istorya ng iyong pamilya, e, di tatanda rin naman ang lahat ng mga anak mo na sa kalaunay magisispagtrabaho at magkakapamilya rin! Kaya sa tuwing binibisita mo ang iyong magulang ay lalong naragdagan ang kunot ng ulo mo, kasi, tumatanda ka na rin.

Kaya kung minsan nais mong balikan ang panahong namamalengke kayo ng nanay mo. Kasi hindi na ito mauulit kapag masyado na siyang matanda. Marami nang inirereklamo sa katawan mula sa mata, tuhod, baywang, sa pagtulog, pagkain, daliri, pag-ihi, pagtae, pag-inom ng gamot na hirap ilunok kahit pa may isang baso ng tubig... Marami na talagang nararamdamang sakit kapag tumatanda ka na.

Kaya ko sinasamantala ang panahong ito na magkasama kami ng nanay ko na mamalengke siya, kasi, once na naramdaman na niya ang lahat ng iyon... Iyon na ang panahong kailangang ihanda mo na ang sarili mo sa lahat ng aspekto ng kanyang buhay. Bagama't hinog na siya sa buhay... Siguradong ang pamamalengkeng iyon ang isa sa mga memorableng panahong hinding-hindi ko malilimutan.

Kaya...

Nakasasama Mo Pa Rin Bang Mamalengke Ang Nanay Mo Kahit May Sariling Ka Ng Pamilya?

Sampaloc, Manila
August 27, 2017

Photo Credit MINE