Kontes Hiem Aceh KSI Bereh #2 : Nyanban Jawaban !
Seugohlom jih saleum yang that lambong Assalamu'alaikom lon peuphon haba. Na keuh tujuan lon malam nyoe meuteuka , lon keuneuk jaweub hiem yang ka geupeuacara. Bek le ta peupanyang haba marilah ta jaweub sigra.
- Nasaboh masaalah jinoe loen tanyoeng peuglah beukeunong hai rakan bandum saboh binatang di dalam gunong cukop meukuenong ceudah that rupa, lepah that sayang wahe rakan loen bak akhe ujong geuboh nan janda ?
Terimong geunaseh, beurayeuk tuah jino lon peuglah kiban yang pinta. Leupah that sayang binatang ceudah, indah that rupa wate tapandang na keuh binatangnyan beubentuk cicem, Beurujuek Balee pah that nama.
- Nyoe na hiem Hai bungong sukon saboh panton loen som punca, bak ji sibak, on jieh sion, meureutoh thon han tom mala ?
seumber
Menyoe meunan hiem hai teungku apa, bagah lon jaweub sira lon toep mata, na keuh bak sibak on jih na sion neubi keuh Aweuk lon jaweub teuma.
- Nyoe pat hai rakan na saboh masaalah cuba peuglah soe nyang pinta, dua nyang tho peut nyang basah suci hadah soe nyang bawa ?
Alhamdulillah pujoe keu poe, Allah ta'ala tuhan geutanyoe, dua yang tho peut yang basah peusuci hadah Ie Seumbahyang bawa.
- Nyoe saboh teuk wahe adoe, saboh nanggroe le that kuta, kuta nyang phon kuta taloe, kuta beusoe nyang kedua, silapeh teuk kuta pirak ie meugrak-grak dalam kuta ?
Terimong geunaseh beurayeuk aduen meutuah, bah lon peuglah dengeun sigra, moga beutoi lage nyang lon rasa, meunurot lon nyan U Tuha geubouh nama.
- Bak iku rincong, bak idong sutra, bak ulee leumbeng bak geunireng aneuk mata ?
Nyoe keuh aduen hai lon ka teuka bingong, yang teuh meukeunong bah lon jaweub sigra, bak iku rincong, bak idong sutra, bak ule na leumbeng di geunireng jiduek aneuk mata, nyan keuh Manok Agam pah ta bouh nama.
Terimong geunaseh nyang that lambong keu KSI Bereh penyelelenggara, eh no keuh mada haba lon tuan nyan keuh jawaban keu peumeuriah acara.
Wasalam,,,,
Lhokseumawe, 06 April 2016...
Saleum @azmiulul
Terimakasih @azmiulul Anda telah menjawab hiem Aceh KSI Bereh Part #2. Saya salut kepda anda karena anda sangat mencintai seni tradisi peninggalan endatu kita. Salam KSI Bereh.
Sama sama bang @ilyasismail, kalau bukan kita siapa lagi yang meneruskannya, yang muda muda ini lah yang sepatutnya menjaga warisan endatu kita.
Ditunggu untuk kontes selanjutnya, salam KSI, semoga bertambah bereh 😊
KSI Chapter East Aceh, Bereh,,,
Hahaha memang bg azmi bereh, meoh aju bak neurangkai haba 😁
Haha, yang penteng da daya 😂
Seureng ndeungoe syae ureung tuha 😄
Makasih dek zulfa
Hehe oke bg sama2
hahhaha bereh that. te ingat ku lage haba ureng tuha jameun
Nyan perle ta lestarikan meskipun tanyoe ka hudep diera milenial, nilai tradisi hanjeut ta peu aleh, beuna keuh yang muphom, bek meumada sidroe dua.
Terimong geunaseh rakan.