Contest: Meet my pet،paaro, Pakistan

السلام علیکم ،

خوبصورتی کسے پسند نہیں ہوتی ۔مجھے بھی خوبصورتی بہت پسند ہے۔ اور بچے خوبصورتی کا دوسرا نام ہوتے ہیں۔ چاہے انسان کا بچہ ہو تو بھی خوبصورت ہی لگتا ہے۔ اور چاہے جانور کا بچہ ہو تو بھی اتنا ہی پیارا لگتا ہے۔ خاص طور سے بلی کے بچے۔
میں نے اپنی بہن سے ایک بہت ہی خوبصورت سا بلی کا بچہ لیا تھا۔ میری بہن نے کافی ساری پرشین ملیاں اپنے گھر میں پالی ہوئی ہیں۔ اور وہ لوگوں کی چاہت پر ان کو دی بھی دیتی ہیں۔ میرے بچے بلیوں کے بہت شوقین ہیں ۔اس لیے میں نے اپنے بچوں کی خواہش پر اپنی بہن سے ایک بچہ اڈاپٹ کیا۔
مجھے وہ بلی کا بچہ نہیں بلکہ اپنا بچہ لگتا ہے ۔کیونکہ وہ اتنا معصوم ہے کہ اس کی معصومیت پہ ہی ہر وقت مسکراہٹ اتی رہتی ہے۔

پارو

ہم نے اپنی بلی کے بچے کا نام بارو رکھا ہے۔ کیونکہ ہر وقت اس کے اوپر پیار ہی اتا ہے اس لیے اس کو ہم پارو کہتے ہیں۔

پارو کی ماں بھی بہت خوبصورت ہے ۔اور اس کے ایک وقت میں تین رنگے بچے ہوئے سفید، کالا ،اور براؤن ۔جن میں سے ہم نے بارو کو چنا جو کے سفید رنگ کی ہے

پارو اپنی ماں اور بہن بھائی کے ساتھ

ویسے تو مجھے پاروں کو اپنے گھر لے کر اتے ہوئے دکھ ہو رہا تھا۔ کیونکہ میں اس کو اس کی ماں سے دور کر رہی تھی۔ مگر میں نے دھیان دیا کہ اس کی ماں بھی اب اپنے بچوں کو دودھ نہیں پلاتی۔

پارو کا شوق

پاروں کی ادائیں اتنی معصوم اور پیاری ہیں کہ ان کو دیکھ کر ہر وقت دل چاہتا ہے کہ پاروں کو گود میں اٹھا لیا جائے۔مگر وہ اپنی شرارتوں میں اتنی مگن ہوتی ہے کہ اس کو اٹھاتے ہوئے بھی ڈر لگتا ہے کہ کہیں ناراض نہ ہو جائے۔کوئی بھی لٹکتی ہوئی رسی، دوپٹہ یا شاپر ہو پر ہو اس سے ضرور کھیلتی ہے۔ اس کو لٹکی ہوئی چیزیں بہت پسند اتی ہیں۔
اس کے علاوہ ایسی کوئی چیز جس میں اس کا پنجا چپک جائے وہ ضرور اس کو نوچتی اور کھسوٹتی ہے۔ خاص طور سے ہمارا صوفہ اس کی پنجوں کی زد میں ضرور اتا ہے۔ اس کے علاوہ میرے شوہر کی موٹر سائیکل کی سیٹ بھی پارو کے پنجوں سے ہی سفید ہو چکی ہے اچھی خاصی سیٹ میں سوراخ ہو چکے ہیں۔

میرے بیٹے کی تو سمجھو پارو کے اندر جان ہے۔ کیونکہ اگر بارو تھوڑی دیر اس کو نظر نہ ائے یا وہ اس کے ساتھ تھوڑی دیر نہ کھیلے تو وہ بے چین ہو جاتا ہے۔ اور پریشان ہو کے سب کام چھوڑ دیتا ہے اور بارو کی تلاش میں لگ جاتا ہے حالانکہ پارو کو چھپنا بہت پسند ہے اکثر و بیشتر وہ میز کے پیچھے، کرسیوں کے نیچے اور کرسیوں کے اندر گھس کے چھپ جاتی ہے ۔مگر میرا بیٹا جب تک اس کو تلاش نہ کر لے اس کی تسلی نہیں ہوتی۔

پارو اور اس کا بھائی

پارو اور اس کا بھائی جڑواں ہے۔ دونوں میں صرف ایک فرق ہے کہ اس کے بھائی کی انکھوں میں تکلیف ہے۔ اور پارو بہت پیاری ہے ۔میرا بیٹا تو دونوں کو لینے کی ضد کر رہا تھا۔ مگر میری بہن نے اس کے بھائی کو دینے سے انکار کر دیا ۔کیونکہ وہ اس کا علاج کروا رہی تھیں ۔اس کی انکھوں کی تکلیف کے لیے اس کو روز ڈاکٹر کی طرف لے کے جانا پڑتا تھا۔

امید کرتی ہوں کہ اپ کو ہماری پالتو پارو بہت پسند ائی ہوگی شکریہ۔

میں کچھ خاص کو اس مقابلے میں شرکت کی دعوت دیتی ہوں۔
@santamorilo,@tykay091,@samima1