Burnsteem25|| July 27, 2022|| Diary Game Season 3|| "Simpleng Paraan sa Pagluluto ng Puto"

Tayong lahat ay mahilig sa mga kakanin o mga meryenda na gawang pinoy at nakasanayan na mula pa sa ating mga kanunuan. Iilan sa mga ito ay ang biko, suman, latik, bibingka at puto. Patok din itong gawing negosyo dahil marami talagang bibili nito, nakakasawa kasi ang palaging tinapay ang kinakain. Ngayong umaga ay ibabahagi ko sa inyo ang mga simpleng paraan ng pagluluto ng puto na TIKTIK. Ang TikTik ay isang uri ng giniling na mais. Giniling ito sa pinakamaliit na piraso na parang harina na ito. Ito rin kadalasang ipinapakain ng mga ina para sa kanilang mga anak. May mga iba pang paraan o klase ng pagluluto nito gaya ng puto.

May mga kakaunting sangkap sa pagluluto ng puto, hindi naman ito masyadong magastos dahil kakaunti lang naman ang mga sangkap at ito ay ang mga sumusunod;

Sangkap:

👉 Tiktik (giniling na mais)
👉 Gata ng niyog
👉 Asukal
👉 Baking
👉 Yeast
👉 Vanilla ( Kapag meron, pampabango sa mga niluluto)

Mga Gamit Sa Pagluluto:

👉 Baking pan
👉 Streamer

📝

At kong wala namang streamers na paglulutuan ay pwede ring gumawa ng simpleng streamer, kumuha lang ng maliliit na piraso ng kawayan at pagtagpi-tagpiin ito para may mapatungan ang baking pan.

Paraan Ng Pagluluto:

Salain muna ang tiktik para makuha ang mga malalaking butil ng mais dito. Sunod ay ilagay ang asukal at haluin ng mabuti.

Sunod, ihalo ang gata ng niyog at isunod ang baking powder at yeast. Ang baking powder ay makapagpalambot sa puto at ang yeast naman ay lumalaki ang niluluto.

Haluin ito ng mabuti upang mabalanse ang lasa nito. Hayaan ito ng 5 minutes bago maglagay ng angkop na dami ng tiktik sa baking pan.

Ilagay agad sa streamer at hintayin itong maluto. Sa loob ng 45 minutes ay luto na itong ating putong tiktik.

Ito ang ating finish product, putong tiktik. Sulit ito dahil masustansya at masarap pa. Pwede din itong pangnegosyo. Hindi ito masyadong magastos. Sa halagang 200 Pesos, ay makagawa ka na ng maraming puto. Ibinibenta din ang bawat slice ng puto sa halagang 5 pesos.

Para sa mga magplanong magnegosyo nito, narito ang talaan sa magiging income nyo sa halagang 200 pesos na puhunan.

Expense		Computation
200 Pesos		160 Sliced ng Puto

160x5= 800- 200= 600 Pesos Ang balik.

Bago ko tatapusin ang post ko para sa araw na ito ay nais kong ibahagi ang 25% mula sa payout ko sa post na ito sa @null.