The Diary Game Season 3 (October 20, 2021) | Ang pagligo sa dagat sa ilalim ng mainit na araw

Ngayon po ay ibabahagi ko sa inyo ang naganap na pagligo namin sa dagat. Ang pamilya po ng aking girlfriend ang kasama ko, na isang biglaang imbitasyon lamang dahil sa biglaang pag-anyaya ng kanyang pamilya.

Pasado alas-siyete(7) pagkatapos ko magkape at tumulong sa gawain ay biglaan lamang itong tumawag at nagtanong kung sasama ba ako sa pagligo nila ng kanyang pamilya sa dagat na matatagpuan sa Marigondon, Lapu-Lapu City, Cebu. Agad akong nagreply na sasama ako at matagal-tagal na rin akong hindi nakapunta sa dagat simula ng nagkapandemya at para na rin makapagrelax at mag-enjoy bilang premyo sa aking sarili.

Di maililihim na mataas na ang sikat ng araw nang makarating kami sa Marigondon Beach at eksaktong walang masyadong tao kaya agad kami nakahanap ng cottage na nasa 300.00 (5.90$) ang presyo at dahil medyo mahilig tayo tumahod ay bumaba ito sa 200.00 (3.93$). Pagkatapos ay agad naming nai-puwesto ang mga gamit at naghanda para sa mga lulutuin.

Inihanda muna namin ang paglulutuan ng inihaw at sinimulan ng sindihan upang ang uling ay nagbabaga na at ready na para sa mga iihawin naming pagkain.

Sila naman ang naghanda ng mga ihawin.

Una nilinis muna ang isda at baboy. Pagkatapos ay naghiwa sila ng mga lamasin para ilagay sa tiyan ng isda at sa sauce. Sunod ay binuhuran ang mga ito ng pampalasa gaya ng asin at bitsin. Binabad muna ito ng ilang minuto para mas malasa.

Ito na ang inihaw at may pa-usok effect pa yan haha.

Habang kami ay busy sa pag-iihaw ang mga batang ito naman sa sobrang excited ay di na nagpapigil sa pagtampisaw sa dagat at naglalaro sa puting buhangin at malinaw na karagatan.

Makalipas ang ilang oras ay luto na ang lahat ng inihaw namin. Inilabas na ang baon naming kanin at nagsalo-salo na kami sa pagkain at syempre bago kumain ay nagpasalamat muna kami sa Panginoon sa biyayang ito. Ang sarap ng salo-salong ito lalo na't ang sarap at ang presko ng hangin sa tabing dagat na dinagdagan ng Emperador light.

Pagkatapos kumain ay agad na kaming naligo sa dagat sa ilalim ng mainit na araw na di naman naging hadlang upang kami ay mag-enjoy at paulit-ulit na lumangoy hanggang sa kami ay napagod na at nagdesisyon na umuwi na upang makapagpahinga.