#Club5050//The Diary Game//Mt Manunggal Adventure//06/05/2022

Hallo Steemians,

Kumusta kayo? Naway nasa mabuting kalagayan tayo at ligtas sa kapahamakan.

Kahapon dumating sa Mactan International Airport ang bunso namin dala ang anak niyang two yrs old, galing pa silang Olongapo City. 3 yrs din di kami nag kita sa messenger video chat lang ang aming communication. Pero bago namin siya sinundo sa airport dinaanan namin muna ang Ate niya na nakatira sa Lapu-lapu City. Napadali ang aming biyahe dahil doon kami dumaan sa CCLEX, walang traffic.

Pagka kita kita na namin sa airport. Masayang kuwentuhan tungkol sa flight nila. Dahil maaga pa nag suggest si hubby na gumala kami kaya dinaanan namin ulit sa bahay ang asawa at dalawang anak Ng Ate niya at naku sinali na si Baby Bibing Ang apo namin sa tuhod na 3 weeks old. Kaya punong puno Ang Van.

Sabi ni hubby punta kaming Mt. Manunggal, kaya dumaan muna kami sa Yellow cab dahil gutom na ang lahat. Hahaha konti na Lang ang naiwan bago na picturan ang Pizza dalawang tag 18 inches talagang gutom na!

Dumaan muna Ng Andoks at namili ng grilled chicken at puso para doon na sa bundok kainin para pananghalian. Ito Ang mga nadaan namin. Ang ganda tingnan Ng kabundukan.

Ng malapit na kami sa Baguio De Cebu, muntik Ng tumirik ang Van, nangamoy sunog na ang tires kasi sa sobrang tirik Ng bundok, buti nakayanan pa at nakarating din kami sa wakas. Maraming salamat at naka upo na kami sa lamesa Ng biglang nag fog almost zero visibility.

Sus, buti na lang nakarating kami bago nag fog dahil di makita ang daan. Naku, hang lamig at excited ang lahat sa na experienced namin ang zero visibility. Maya maya nag normal din nawala na si fog. Hayon nakakain na kami. Pag dating Pala namin hang dami ng tourists, daming cars at motor nakaparada.

At pansin ko agad ang magagandang bulaklak sa paligid .Mas madami bulaklak Ngayon kaysa noong unang punta namin Dito.

Pangatlong punta na namin ni hubby dito kasi siya ang foundation consultant ng view deck dito noong 2019. Ang mga anak ko at apo first time pa nila dito kaya excited sila at namangha sa ganda ng bundok.

At lalong na excited sila ng sabi ni hubby Ang lahat sasakay sa Sky Bike. Kaya nag pares kaming lahat. Yong anak kong babae at asawa niya, yong anak Kong lalaki pares ang anak niyang lalaki, yong dalawa kong apo at last kami ni bunso ang pares.

Ng kami na ni bunso ito pictures namin. Ang bayad pala ng Isang round ay 160 pesos.

Buti na lang di sumakit ang mga tuhod ko!

Pagkatapos naming sumakay Ng Sky Bike pumunta na kami sa View deck di Kasama si hubby kasi di na siya maka akyat sa bundok. Sa sunod kong blog naman ang tungkol doon. Bago kami umalis nag picture kami lahat para may remembrance. Mga bandang alas kuatro umalis na kami dahil baka mag fog nanaman delikado sa daan.

Pagbaba namin nadaanan namin ang tanim na sayote puno Ng bunga. Napa wow kami. Sarap nila tingnan.

Ang last naming dinaanan ang mga tindang gulay sa tabi lang ng daan, namili kami Ng talong, avocado cabbage at ampalaya.

Hinatid muna namin sa Lapu-lapu City ang anak Kong babae bago kami umuwi sa amin. Plakda ang apo Kong si Rocky pagod sa biyahe. Hanggang dito na lang sanay naaliw ko kayo sa aming adventure.

Thanks for dropping by ..
@jurich60