Magandang gabi sa ating lahat mga ka steemians, kumusta na kayong lahat? Sana ay nasa maayos palagi ang inyong kalagayan at hwag kalimutang magpasalamat sa Panginoon sa mga magagandang araw na ibinigay niya sa ating kahat.

Ang ibabahagi ko sa inyo ngayon ay tungkol sa mga trabaho ko ngayon at noong unang araw. Pinagsama ko ito para mas maganda at madetalye ang lahat ng mga pangyayari sa aking buhay.

Ang Pagpapakain Ng Manok

Tuwing sumasapit na ang gabi ay hindi ko talaga kalilimutan ang pagpapakain mg aking mga alagang manok. Isa din ito sa aking libangan dito sa aming bahay. Nakakawala ng pagod kapag nakikita mong masisigla at may mga sisiw na ang inahing manok.

Ginawan ko talaga ng kulungan ang aking mga alagang manok upang hindi ito pupunta sa malayong lugar. May posibilidad na nakawin at tangayin pa ng ibang tao kapag nakita nila ito. Ganito sa lugar namin maraming nangunguha ng mga manok kahit hindi kanila.

Kapag pagsapit ng umaga ay pinapakain ko rin sila para hindi magutom. Nilalagyan ng tubig para may maiinum sila. Kaya kinaugalian ko na talaga ito dahil lang din sa aking mga alaga.

Pagluluto Ng Gulay

Tuwing pagsapit ng gabi, ay magluluto na naman ng makakain para sa haponan. At ang lolotuin ko ngayon ay malunggay, simpleng haponan at ulam pero nakapagbibigay ito ng sustansya sa ating katawan. Ito kasi ang pangunahing pagkain namin dito sa probinsya, ang sinabawang malunggay at minsan may kasama pa itong isda o di kaya ay tuyo.

Ang Aking Pagdesenyo

Nais ko lang din isali itong ginawa ko noong nakaraang araw. Dahil walang magawa sa bahay ay naisipan kong gumawa ng kahit na ano. At ang unang naisip ko ay ito, mag dedisenyo ng pangalan gamit ang malapad at malaking dahon. Medyo nahirapan ako kasi isang pagkakamali lang ay masisira ang dahon na denisenyohan.

Kailangang dahan-dahanin lang ang pagtabas o paghiwa nito upang hindi masira ang pagdedisenyo sa dahon. At sa wakas ay natapos ko na ang ginawa ko, masaya naman ako dahil nagawa ko ito, hindi naman sa kagandahan pero nakita ko naman na hindi ako nagkamali, kailangan lang talaga ng ensayo sa sarili.

Naging produktibo at naayos naman na nagamit ang araw at oras ko, kasi ayon sa nakakatanda mahalaga ang bawat oras at minuto.

Bago ko tataposin ang talaarawan ko sa araw na ito ay nais kong imbitahan sina ate @me2selah, nanay @olivia08 at sir @long888.

Salamat sa pagbasa, lubos na nagmamahal,
@jb123