Diary Game Season 3 (November 1, 2021) Ang pagmamahal at pag aalaga ko sa aking anak

Walang ano man sa mundo ang maka pag timbang kung gaano ka mahal ng isang ina ang kanyang anak. Walang sino man ang may karapatan na humusga bakit, paano, at gaano natin kamahal ang ating mga anak lalong lalo na kong lahat tayo ay magka iba ang pananaw at oag aalaga. Ang importante sa lahat ay hindi sinasaktan, hindi iniiwan at lalong lalo na hindi pinapapabayaan ang mga ito.

Sa bawat araw mula nuong ako ay nagdadalang tao pa lamang kay Eva, lubos na ang aking pasasalamat dahil hindi ko inaakala na ako ay biyayaan kaagad ng Diyos pagkatapos kong ikasal. Akala ko nuon dahil ako ay may edad na, ay mahirap na para ako ay mabuntis agad-agad. Isang napakalaking milagro at blessing iyon para sa akin at sa aking kabiyak. Niregalohan kami nang maykapal ng napakalaking biyaya sa aming pagsasama pagkatapos sa masakit at mapait na dinaranas ng dahil sa pandemya.

Nung isinilang ko na si Eva, laking tuwa ko ng una ko siyang masulyapan. Ang sakit at pagod na aking nadarama pagkatapos siyang ilabas sa aking sinapupunan ay natumbasan ng saya. Nagpapasalamat din ako sa mga doktor at narses na tumulong sa akin. Hindi naging madali ang lahat pero sinisikap ko kinakaya ang lahat ng pagsubok.

Katuwang ko palagi ang aking mahal na asawa sa pag aalaga kay Eva at sa lahat ng bagay sa pang araw araw. Salamat din sa panginoon na binigyan nya ako ng katuwang sa buhay.

Ngayong araw na lunes ay schedule para sa paglalaba sa damit ng aking anak. Dalawang beses sa isang lingo ako maglalaba ng kanyang mga damit, sa araw na lunes at byernes. Pero bago dyan ay pinapaligoan ko muna siya at pinapakain at pagkatapos ay pinapatulog.

Bandang alas onse ng tanghali ay natapos rin ang aking labahin. Pagkatapos kong mang sampay ay pahinga muna bago maligo para hindi pasmado ang ating katawan.

Pagkatapos kong maligo ay oras na naman para mayakap at maka bonding ang aking anak. Kahit anong pagod ang aking nadarama dahil sa kulang ng tulog, at pahinga ay kakayanin parin dahil isa akong ina. At ikinagagalak ko na bantayan at alagaan ang aking anak sa lahat ng oras ng aking makakaya at maibigay ang aking pagmamahal sa kanya.

Inaanyayahan ko si @lealtafaith @bisayakalog @jes88 para magbahagi ng kanilang talambuhay sa araw na ito.