The Diary Game (May 29, 2022) Recognition Day Of My Son| 10% Payout Goes To @steemitphcurator

Mapagpalang araw sa ating lahat lalo na sa komunidad ng steemitphilippines. Hangad ko na nasa maayos na kalagayan kayong lahat lalo na ang kalusugan ng bawat isa.

Ang nais kung ibahagi sa araw na ito ay ang pagtatapos ng anak ko sa ikalawang baitan ng elementarya. Ang araw na ito ay isang tagumpay dahil sa kabila ng mga pagsubok na dala ng pandemya, kahit papano nakapag-aral parin ang mga estudyante sa pamamagitan ng modular at online class na pamaraan.

Nagsimula ang programa sa pamamagitan ng pakikinig ng salita ng diyos sa pamamagitan ng isang pastor, siya ay si pastor john, siya ang pastor sa paaralan na ito. (Grace Baptist Academy) ang paaralan na ito ay isang christian school. Para sakin, sa ganitong pagtitipon mahalaga ang magkaroon ng pagbabahagi ng salita ng diyos, sa ganoon ang mga magulang ay magkaroon ng karunungan mula sa Diyos panu hubugin ang kanilang mga anak na naayun sa kalooban ng diyos.

Maraming mga mag-aaral ang nagpamalas ng kanilang mga talento lalo na yung mga magtatapos na sa secondary level. Lubos ang kagalakan ng mga magulang dahil nakikita nila at nasasaksihan ang resulta ng kanilang mga sakripisyo, para magkaroon lang ng magandang kinabukasan ang kanilang mga anak.

Bilang magulang lubos tayo na masaya kapag ang ating mga anak ay nakakatanggap ng parangal lalo na sa paaralan. Lahat ng kanilang naabot maliit man o malaki ay nagsisilbing inspirasyon sa kanila upang patuloy na mag-aral at magsikap upang makamit nila ang kanilang mga mithiin sa buhay.

Sa larawan na ito masayang masaya ang anak ko na mayroon siyang nakuhang parangal. 😀
Hanggang dito nalang, sana nasiyahan kayo sa maikli kung talaarawan.

God Bless!
@caydenshan