Saleum Uroe Raya

Uroe Raya na keueh uroe nyan cukop mulia. Menyoe buleun mulia nyan Ramadhan atawa buleuen puasa, maka bak buleuen Syawal nyan pih uroe paleng mulia. Jeut takheuen nyoe keueh uroe atawa buleuen ta jak silaturrahmi.

Peumulia jamee nyan troek u rumoh-rumoh, sampoe jak silaturrahmi u rumoh-rumoh ureueng lingka. Tapi, lagee geupeugah lee teungku khatib bak Seumbahyang Ied, bak beungoh uroe raya nyang paleng utama jak saweue ureueng chiek dilee.

Abeh nyan, bak syedara-syedara ngon ureueng lingka. Lheueh nyan baroe jeut neujak bak rumoh peujabat-peujabat, kheuen teungku khatieb. "Jadi bek ta balek, dinoe lee ureueng ta kalon, awak geujak bak rumoh peujabat dilee, baroe bak sama-sama ureueng kaya,"

"Bak rumoh ureueng gasien atawa ureueng lingka cit ka hana geujak. Kareuna geu pikee hana untong. Nyoe biek-biek nan peuragui geutanyoe bak ta harap trok malaikat bak beungoh uroe raya u rumoh teueh,"

"Bek tapikee nyoe tajak bak rumoh ureung gasieh hana kuweh atau ab nyan mangat-mangat. Tiep beungoh uroe raya, mandum rumoh beasa jih na geupeuget kuweh geupreh jamee. Ya, meunurot ala keumampuan nyan poh rumoh,"

Kuweh Uroe Raya

Na adat, reusam atawa peukateun nyang ka beasa lam masyarakat geutanyoe. Dari jameun ureung awai sabee geutet kuweh uroe raya. Duwa go jumeuat si goh lom uroe raya ka geutop teupong. Abeh nyan baroe geu peuget kuweh macam-macam.

kuweh-kuweh nyan, keukarah (peukarah), loyang, seupet, bhoi, dodoi teupong, dodoi breuh, bu grieng, meusekat, boh asan usen. Nyan seubagian. Na cit timphan asoe kaya, timphan boh ubie, timphan u ngon bada reuteuk.

Nibak peukara nyoe ta meuceukot bacut keu bada reuteuk. Bada nyang seulama nyoe na lam pikeran neukeh bada beasa. Atawa pisang gureung. Nyan keueh bada. Na cit bada boh sukon. Bada boh keupila dan laen jih lom.

Bak pehtem kali nyoe, khusus bada reuteuk. Nyoe. Na dua boh nan di sinan; bada ngon reuteuk. Nyoe bada ka beasa ta dungoe. Kiban deungon reuteuk? Reuteuk nyan na keuh boh reuteuk. Boh reuteuk beasa geu taguen kuwah ie atawa keu gulee rampoe.

Jeut cit geupuleumak. Atawa geu tumeh. Keu lalapan pih mangat. Peujoh meunan-meunan pih jeut. Lee nutrisi ngon vitamin bah boh meutuwah nyan. boh reutek nyan panyang-panyang.

Tapi, bada reuteuk kali nyoe nyang na bak rumoh ureung lingka beda. Beuntuk jih ubiet. Leubeh rayeuk bacut dari bungkoh peuremen kopiko. Bada reuteuk nyoe peuget jih geucroh ngoe teupong. Asoe dalam jih na nyan kacang ijoe, na cit teupong breueh. Teupong breuh leukat.

Insya Allah, bak laen kali ta bahas kiban cara peuget jih. Kali nyoe sep bhah bada reuetek bacut mantong. Saweb, ban ta pajoh sikreuk mantong, bada reuteuk nyan cukop rapoh. Si go takap. sang-sang bek ta piyoh-piyoh. Keubit teueh. Nyoe hana ta piyoh abeh asoe topleh bak rumoh gob.

Si goh lom abeh asoe topleh, kaseb dinoe mantong peh tem tanyoe. Keu peu teuma tapeh tem soh sabe. Sigoe-goe payah tapeh tem meuasoe. hehehe

Syabah meuruwah raya