Geureuhem Uroë nyoë
Oooooo potallah ho ka dum ureueng
Lon neuk bet saleum keu yang na disinoë
Hai rakan nanggroë Assalamualaikum
Pue haba mandum steemian semua
Haba uroë nyoë pue na yang kureung
Mangat talinteung soë nyang ka hawa
Kadang beulanja karap soh baluëm
Bèk na rencana jak culek @anroja😁
Bèk brôk akai ku'eh keu ureung
Bak ujông peudeung meusundi haba
Useuha beutiga postingan bèk kureung
Dalam siuroë beuna sa dua
Neu post disinoë beu kayém-kayem
Adak rôh lideng upvote nol koma
Kadang trôh teuka yang raya seuteem
Ban digeureuhem SBD teuka
Nyoe ka siminggu lon kalön sungue
Tan leumah ikue ceunggok kepala
Teunang lam haba pleh urat takue
Bèk sampé meukue urat suara
Tan na soë pèh tém haba terbaru
Hana soe kutru haba beurita
Konteh acara pih tan lom na yang new
Beh ci lon cukeh kak @cicisaja
Nyan pak @isnorman ahli seujarah
Ho ka neulangkah tan leumah sinoe
Lheuëh neupop kamoe gata tan leumah
Pue ka meuramah geuthat neu iem droë
Waalaikumsalam warahmatullah
seunang meulumpah Mr Bob ka teuka
meunyoe baroe kon hana soe tulak kisah
jinoe ka paih kana @misterreza
baroe kon sidroe lon kutru
habeh paroe su soe seuot hana
jinoe troh kata yang that lon rindu
kutru laju ban-ban nyang suka
Nyoe kana idin bak tengku qadhi
Ulôn meunari lagèe irama
Mann kadang kala na yang tan rasi
Bek tuwo juri meuyup priep sigra
Ata syit meujan na klo si angèn
Rôh meulop lam tém bak lupah haba
Bak rabok haba tan meuteugon rhem
Labang lapan dem rôh teupeh cintra